Tunumi aalisagarujussuaq

Travellodge Greenland, piniartumit Lars Anker Møller-imit pigineqartoq, ukiut marluk siornatigut GTE suleqatigalugu Kuummiuni aliikkutaralugu aalisartitsisalerpoq.

Ukiormanna siullermeerluni aalisartitsisimavoq, Islandimi qaqqap innermik anitsinera pissutigalugu ulluni pingasuinnarni, nalinginnaanngitsunik angusaqarfiusutut oqaatigineqartariaqartumik.

Eqalussuarnik tallimanik pisaqarsimapput, anginersaat 3,90 m-inik angissuseqartumik.

Aamma qeerarpassuarnik pisaqarsimapput, anginersaat 16 kg-inik oqimaassusilik, qaleralik 5,3 kg-nik oqimaassusilik, suluppaagarpassuit, taakkulu anginersaat 3.5 kg-inik oqimaassuseqarpoq.

– Tunumi eqalussualerujussuuvoq. tamanna ulluinnarni ningittagarsoraangatta malugisinnaasarparput. Ningittakkat nalunaaquttat akunneri sisamat sinnerlugit nivingatikkaangatsigit qularnanngilluinnartumik eqalussuarnik pisaqartarpugut ningittagaarsertarlutaluunniit, Travellodge Greenlandimik piginnittoq Lars Anker Møller oqarpoq.