Skip to main content

Nunat inoqqaavi FN-imi ataatsimeersuarneranni ICC peqataavoq

Naalagaaffiit Peqatigiit qullersaata Ban Ki Moon-ip ataatsimeersuarneq ammarpa Ataatsimeersuarnerup qulequtaraa Kinaassuseq Kulturilu tunaartaralugit Ineriartorneq.

Naalagaaffiit Peqatigiit nunat inoqqaavisa ataatsimiittartoqatigiivi quligiluassaanik ataatsimiipput. Nunat inoqqaavisa kattuffiisa sinniisui untritilikkaat peqataapput tassanilu aamma naggueqatigiit Inuit kattuffiat ICC peqataalluni. Naalagaaffiit Peqatigiit siuttuata Ban Ki Moonip ataatsimeersuarneq ammarpaa. Ataatsimeersuarnerup qulequtaraa ineriartorneq kinaassuseq kultuurilu toqqammavigalugu.

Ban Ki Moonip ammaalluni oqalugiarnermini nunat inoqqaavi taperserlugit oqaaseqarpoq nunarsuarmiut naalagaaffiit naalakkersuisui kaammattorlugit nunat inoqqaavisa kultuurii kinaassuserlu attaqqillugit ineriartortitsineq ingerlateqqullugu. Generalsekretærip erseqqissarpaattaaq pisariaqarluinnartoq nunat inoqqaavisa inuiaqatigiittut ingerlaatsiminnik toqqammavigisaat ataqqineqartariaqartoq. Tassami kikkulluunniit inuit pisinnaatitaammata kinaassusertik kultuurertillu annaanaveersaarlugit suliffissuaqarnikkut ineriartorneq aamma ingerlanneqarsinnaammat.

Inuit Issittormiut Siunnersiusoqatigiiffit, ICC, FN-ip illorsuata ilaani pingasunngorpat immikkut ataatsimiitsitsiniarpoq issittumi suliffissuaqarnikkut piorsaaneq pillugu. Tassani immikkut Nunatsinni Inatsisartut aallartitaqaqqullugit qinnuigineqarsimapput, soorluli nunarsuarmi angallannikkut ajornartorsiornermik allat eqqorneqarsimasut aammattaaq Inatsisartut aallartitassaraluini taamaallaat Akitsinnguaq Olsen anngussimavoq Jane Petersenili apuutinngittoorluni. ICC-ip aallartitai Canadameersut, Nunatsinneersut Alaskameersullu tallimaasut ICC Kalaallit Nunaata siulittaasuanik Aqqaluk Lyngemik siulersorneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER