Skip to main content

Air Greenland immikkut timmisartuussinialerpoq

Danmarkip nunattalu ilaani silaannartap timmisartuussinermut ammarneqarnera timmisartutieqatigiit atorluaniarpaat. Sisamanngornermi timmisartuusseqattaarniarput.

Danmarkip Kalaallit Nunaatalu ilaani silaannakkut angallannissamut ammaassisoqarnerata kingorna, aqagu sisamanngornermi Air Greenlandip annertuumik timmisartuussinissani naatsorsuutigaa.

Airbus 330-200-mik Atlantikoq qulaallugu nunattalu iluani nalinginnaasumik timmisartuussinissat ingerlanneqarnissaat naatsorsuutaavoq, naak aallarfissat ilaat allanngulaarneqaraluartut.

Tamanna Air Greenlandip nittartagaani takuneqarsinnaavoq, ilaasussallu tassunga innersuunneqarput.

Taakku saniatigut Københavnimiit Kangerlussuarmut uterlugulu Boeing 757 Atlantikoq qulaallugu immikkut ittumik timmisartuussissaaq nal. 12.00 aallarluta. Tassungalu attumassuteqartussanik aamma nunatta iluani timmisartuussinissanik pilersaarusiorneqarput.

Erseqqissarneqarpoq sisamanngornermi timmisartuussinissat ingerlanneqassammata, aatsaat Nuummi timmisartortoqarnissaanut inerteqquteqarnera unnuaru atuukkunnaassappat.

Immikkut timmisartuussinissamut ilaasussat tassaanerupput sap.ak. kingullermi sisamanngornermi tallimanngornermilu ilaasussaagaluit. Pineqartullu Air Greenlandimiit toqqaannaq attaveqarfigineqassapput.

Pingasunngornermi timmisartuussereernerup kingorna Kalaallit Nunaanni Danmarkimilu Air Greenlandimut ilaasussat ingerlaqqinnaveeqqasut 1400-t missaaniipput.

Air Greenlandip ilimasaarutit takkuttartut malinnaaffigeqqissaarpai, tallimanngornermilu timmisartuussinissanut tunngasumik aatsaat aqagu paasissutissiisoqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER