Skip to main content

Upernaviup nunaqarfiini qimmit nappaalasut

Nutaarmiuni, Tasiusami, Naajaani aamma Innaarsunni qimminik nakkutilliisut qimmit akornanni nappaalasoqarneranik toqorartoqarneranillu nalunaarput.

Qimmit nissumikkut noqartaleriarlutik toqusarsimapput. Qimmit nutaqqat suli akiuussutissamik kapitissimanngitsut eqqugaasut oqaatigineqartoq, uumasut nakorsaqarfiat nalunaarpoq.

Nersutinut inuussutissanullu immikkoortortap ilimagaa nappaat pineqartoq tassaassasoq qimmit nappaataat tuniluuttorujussuaq atugaalersimasoq.

Qimmit nutaqqat suli akiuussutissamik kapitissimanngitsut pineqarmata nersutinut inuussutissanullu immikkoortortap erseqqissarpaa pingaartorujussuusoq qimmit akiuussutissalerlugit kapitittarnissaat. Kapuut akeqanngilaq nunaqarfiullu allaffianut imaluunniit qimminik nakkutilliisumut saaffiginnilluni pineqarsinnaalluni.

Qimmit 4 - 6-inik qaammatillit kapitittassapput, kingumullu kapiteqqittassallutik ukiut pingasukkaarlugit.

Malugeqquneqarpoq qimmit peqqissut kisimik akiuussuserneqartassammata. Kapuutip qimmit napparsimalereersut iluarsitissinnaanngilai.

Nersutinut inuussutissanullu immikkoortortap kajumissaarutigaa inuisa qimmitik nakkutigeqqissaassagaat.

?Qimmit napparsimalerpat immikkoortissavat, allanik tunillaannaveersillugu

?Qimmit napparsimavallaarpat qimminik nakkutilliisumut toqutsissavat

?Qimmit toqungasut qimmeqatiminnik suli tunillaasinnaammata inassutigineqarpoq ikuallanneqassasut imaluunniit peerneqarlutik kommunip innersuussutai malillugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER