Sakkutuut inatsimmik avaqqutaaripput
Sakkutuut ilaatigut Ptuffimmi timmisartunik ukiunik 30-nik pisoqaanerusunik timmisartornissamut EU-p maleruagassaanik avaqqutaaripput.
Timmisartut assartuutit Ilyushin 76 suli Afghanistanimi nunatsinnilu qallunaat sakkutuuisa atortussaannik oqimaatsunik suli saartuissapput. Sakkutuut taamaalillutik EU-p avataaniit timmisartunik attartornerminni EU-mi inatsisit avaqqutaarpaat.
Taama Illersornissamut ministereqarfik tusagassiuutitigut nalunaarummi allappoq, sapaatip akunnerani kingullermi paasineqarmat, Australiamiut Letlandimillu suliffeqarfissuata Adagold Inversijanip, Illersornissamut minitereqarfimmit timmisartunik attartorfiusup, timmisartuutai marluk Ilyushin 76-it, EU-mi nalunaarsorneqartut, timmeqqusaajunnaartut.
Timmisartut sorpiaat peqqutigalugit timmeqqusaajunnaarnersut EU-milu atoqqusaajunnaarnersut erseqqissumik ilisimaneqanngilaq, tamannali Illersornissamut ministereqarfimmut sunniuteqartussaanngikkaluarpoq, Australiamiummi Letlandimiullu suliffeqarfiutaa piffissaq kingullerpaaq atorlugu aaqqiissutissamik nassaarsimavoq.
Sakkutut atortussaannik assartuisussamik suliffeqarfik namminersortunit timmisartunik attartorallarpoq.
Siunertaavorli Ukrainimiut timmisartuinik Ilyushin 76-fnik EU-mi nalunaarsorneqarsimanngitsunik attartornissaq, Ingeniøren allappoq. .