Skip to main content

Imigassamik matusinerup meeqqat annaappai

Ukiuni marlunngulersuni Tunumi imigassaq kimittooq inerteqqutaavoq. Taamnna pisaasunik pitsaanngitsunillu kinguneqarpoq.

- Iluaqutit annersaraat meeqqat atugarissaarnerulersimanerat, Tasiilami politeeqarfimmi pisortaq Kristian Sinngertaat oqarpoq.

- Siusinnerusukkut meeqqanik atornerluinermut tunngasunik arlalissuarnik suliaqartarpugut. Ullut tamamangaaja takussaasarput niuertarfiup eqqaani aqqusinermi inuit inersimasut aalakoornermik nikorfasinnaannginnamik paarngortut. Aamma suliaqartarsimavugut pinntsaaliilluni arnerinerpassuarnik, toqutsinermik nakuusernermillu. Pinerlunnermut kisitsisit ukiumut tamatigut 1000-t sinneqartarput. Maannakkut tamakkut 760-iupput. Tamanna naammaginarpoq.

- Maannakkut kiisami suliatsinnik malinnaasinnaanngorpugut. Sapaatip akunnerisa naanerani sulissaarpugut kiisami sulinngiffeqarsinnaalluta.

- Imigassap kimittuup matuneqarsimanera nuannareqaara. Inuit nalinginnaasumik inuusissartik ilikkalerpaat. Qangatuut aalakkorujussuartarunnaarput. Kisianni aamma tamakku pitsaanngitsunik kinguneqarput.

Akisussaaffiiaaneq

- Oqartussat aalajangiipput Tunumi imigassaq kimittooq tuniniarneqassanngitsoq. Taarsiullugu inuit immiortalerput. Imigassamik kimittuumik matusineq aamma kinguneqarpoq, inuit "peqqaannagu " imertartut oqartussaaffiiagaanerat. Inuit ilaasa imersinnaannginnerat peqqutaalluni allanut kinguneqartinneqartarpoq.

Kristian Sinngertaap paasisinnaanngilaa, sooq imigassamik imigassamillu kimittuumik tuniniaaneq Uummannami matuneqannginnersoq, qaammatialuit ingerlaneranni illoqarfik taama amerlatigisunik alianartunik pisoqarfiummat.

- Sooq Uummannami imigassaq matuneqanngila? Sooq taamaallaat isorliunerusuni imigassaq matuneqarpa? Kristian Sinngertaat aperaaq. .

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER