Skip to main content

Toqumik kinguneqartumik ajutoortoqarnerani akilisitaasut

Svendborgimi umiarsuaatileqatigiit M.H. Simonsen 50.000 kroninik akiliisitaasussanngorput, siorna Saarlup eqqaani ajutoornermut qallunaat imarsiortut marluk toqunerannik kinguneqartumut atatillugu.

Svendborgimi umiarsuaatileqatigiiffik 50.000 kroninik akilisiitassaaq, Kalaallit Nunaata kujataani imarsiortut marluk ajunaarneranni naammanngitsumik isumannaallisaaneq peqqutigalugu, tv2fyn.dk allappoq.

Ajunaartut marluk tassaapput 47-inikukiulik aquttoq, 18-inillu ukiulik umiarsuarmi ikiorti ajutoorneq sapaatip akunneranik sioqqullugu uuliamik assartuummut 'Orasilamut' ikisimasoq.

Uuliamik assartuut nunaqarfimmi Saarluni nunaqarfiup innaallagissiorfianut uuliamik pajullugni tikippoq. Angutit marluk umiatsiamiipput slanginunamut apuunniarlugu. Umiatsiarli kinnguvoq marluullutillu ipillutik ajunaarput.

Søfartsstyrelsen marluk ajunaartut pillugit misissuinerminni naliliivoq, umiarsuaatileqatigiiffik M.H.Simonsen ApS imaluunniit umiarsuarmi aqutsisut naammattumik isumannaallisaanermik ingerlataqarsimanngitsut.

Aquttoq umairsuamiluunniit ikiorti annanniuteqangillat imaluunnit atattaanik puttasartunik atorlutik. Umiarsuarmi aqutsisut issittumik umiartornermi navianaatit paasisimanngilaat, umiarsuaatileqatigiiffiullu isumannaallisaanermut polikkia naammattumik Oralillami atorneqanngilaq, paasiniaasut nalilipput.

Søfartsstyrelsenip suliaq Fynimi politiinut unnerlutigaat, Svendborg Netavisilu naapertorlugu umiarsuaatileqatigiiffik M.H.Simonsen ApS maannakkut 50.000 kroninik akiliisussanngortitaavoq.

Umiarsuup naalagaa 15.000 kroninik akiliisussanngortinneqarpoq aquttuunerlu 10.000 kroninik. Sulsiut kattuffiat 3F-p akiligassiissutigineqartut sullugai.

- Inuup inuusuttunnguup nuannaartorisamini sulilerlaap aquttullu toqunnerannut akiligassiineq naammanngilaq. Akiliisitaaneq pitsaaliuinermik kinguneqassappat akisussaasullu akisussaaffitsik eqqumaffigilerlugu, taava annertunermik akiliisitaasoqassagaluarpoq, siulittaasoq Søren Sørensen Svendborgs Netavisimut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER