INUILI allilerneqassaaq
Inuussutissalerinermik ilinniarfiup Narsamiittup INUILI -p allilernissaanut immikkoortoq siulleq ingerlalluarpoq .
Ilinniartunut inissiat katillutik ineeqqat 32-usut maannakkorpiaq Permagreenimit sananeqaleruttorput. Sanaartorneq piffissaliunneqartut malillugit ingerlavoq, kujataani ukiorissaarnernik iluaquserneqarlutik. Sanasut illu matoriaannaavaat, decembarimilu iserterfigineqassaaq.
Ilinniarfittaviata allerinissaanut/nutarternissaanut suliassaq poorskip kingorna suliariumannittussarsiuunneqassaaq, tassanilu Permagreenip neriuutigaa ilinniartut inissaannut nappaanersiortoqarsinnaanissaa.
INUILI ukiuni arlaqartuni ilinniartut inissaannik ajornartorsiuteqartarsimavoq, allilerinissamullu tunngatillugu ilaatigut nutaamik neriartarfiliortoqassaaq aaqqissuussani annertuuni neriniartarfitoqqap tapertassaanik, nutaanillu ininik ilinniartitsiffeqalissaaq, init pioreersut nutarterneqarlutik, taamaalilluni ilinniarfiup ATI-p 2012-mi Maniitsumit nuunneqarnissaani inissaqartitsilissalluni. Taamaalillunilu nerisassalerineq, neriniartarfilerineq akunnittarfinnullu tunngatillugu ilinniartitaanerit nunatsinni sumiiffimmi ataatsimimi inissisimalissapput.
Ilinniarfik maannakkut ilinniartut ineqarfiinik pingasunik peqarpoq, katillugit ineeqqat 54-iullutik, kiisalu Hotel Perlen init marluuttakkat arfinillit kisermaattakkallu qulingiluat.