Skip to main content

Uummannamut timmisartornerit amerlanerusut

Air Greenlandimit eqaannerunissaq NUSUKA -p ujartorpaa.

Apriilip 5-a sioqqullugu Uummannamut Uummanamiillu timmisartornisamut inissaqanngilaq. Taama KNR-imi ullaakkut radioaviisimi oqartoqarpoq. Air Greenlandip tunngavilersuutigaa, poorskernissaanut angalasussat amerlammata taamaattoq.

Tassunga atatillugu Kalaallit Nunaanni sulisitsisut peqatigiiffiata NUSUKA-p Air Greenlandip eqaannerusumik pissuseqarnissaa ujartorpaa, piffissap ilaani sumiiffinnut aalajangersimasunut timmisartornissamik ujartuisut amerlavallaaraangata.

- Air Greenland-ip ilisimaguniuk taama sivisutigisumi Uummannamut Uummannamiillu angalasoqarsinnaanngitsoq, taava angalajumasut periarfissinniarlugit timmisartuliisariaqaraluarpoq. Air Greenlandimmi aningaasaqarnera tassani iluaquserneqartussaavoq, NUSUKA-mi siulittaasoq Gerth B. Lynge tusagassiuutitigut nalunaarummi allappoq.

Takornariaqarneq

- Uummannaq takornariarfissatut ilisimaneqarmat sukkulluunniit tassunga timmisartornissaq periarfissaqartariaqarpoq, taamaalillutik takornariat allallu angalaniartut pakatsinatik siunissamilu Uummannamut takornariarnissaq taamaatiinnarnagu.

Gerth B. Lynge isumaqarpoq, piffissaq sivisunerusoq eqqarsaatigalugu nunatsinni mittarfiit ikippallaarnerat nunap ineriartorneranik ajoqusiissasoq, takornariallu nunatsinnut angalanissartik kigaatsumik soqutigiunnaariartorlugu, taama ingerlasoqaannassappat.

- Sunami tullinguuppa, sapaatip akunnerini marlunni Ilulissanut Ilulissaniillu angalasoqarsinnaanani? Gerth B. Lynge aperaaq, isumaqarporlu poorskimi Uummanniarniartut amerlassasut.

- Sakkortuumik Air Greenland kajumissaarusupparput, nunatsinni angalasut pisariaqartitsinerannut akisussaanermik piaarnerpaamik takutitseqqullugit, ukiummi taamaalinerani Air Greenlandimik angalanissaq kisimi periarfissatuaavoq, Gerth B. Lynge oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER