Skip to main content

KNR-imi aallakaatitassiaq nutaaq

Nutaarsiassat tunuliaqutaannik aallakaatitassiaq nutaaq 'Isuma' sisamanngorpat KNR-TV-kkut siullermik aallakaatinneqassaaq.

KNR-ikkut aallakaatitassiap nutaarsiassat tunuliaqutaattut isigineqarsinnaanera pissutigalugu Qanoruup kingorna aallakaatinneqartassaaq, nal. 19.55, knr.gl allappoq.

Isuma tusagassiortumit Jokum Nielsenimit ullut 14-ikkaarlugit aallakaatinneqartassaaq, aallakaatitami nal.ak. affaanik sivisussusilimmi inuiaqatigiinni pisut sammineqartassallutik.

Paasiniaanerit tamakkiisumik illua’tungeriissitsinikkut ingerlanneqartassapput. Sisamanngornermi marsip ulluisa 25-ianni aallakaatinneqartussami oqallitsinneqassapput politikkimut tunngasunik naliliisartoq cand.scient.pol. Jakob Janussen inuiaqatigiilerinermillu ilinniakkaminik naammassinneqqammersoq cand.mag. Axel Jeremiassen.

KNR TV-kkut aallakaatitami Isumami pissaanerup pingasunngorlugu avinneqarsimanerata tamat oqartussaanerannut ullumikkut sunniutaa eqqartorneqassaaq. Ministeritut akisussaassuseqanerup killingi erseqqissarneqartariaqartut oqallinnermi paasineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER