Skip to main content

Tusagassiortutsialak N

Tusagassiortut Peqatigiiffiata arfininngormat ataatsimeersuarnerani Nûno Isbosethsen nunatsinni tusagassiornermi nutaaliornini pillugu Tusagassiortutsialattut toqqarneqarpoq.

Nûno Isbosethsen komitémit naliliisartumit isumaqatigiissumit Tusagassiortutsialattut toqqarneqarpoq, atoqatigiittarneq inooqatigiinnerlu pillugit Paarisalu tv-kut aallakaatitassiani qulit radiokullu aallakaatitassiani tallimat, taaguutillit Nûno tutillugu, pissutigalugit.

- Ukiorpassuunngitsut tusagassiortutut sulisimavutit. Taamaakkaluartoq - immaqaluunniit tamannarpiaq pissutigalugu - qunussuseqarnak freelance-tut sulilersimavutit ilaatigullu nunatsinni tv-kut Bang.gl aamma Deluxus Studio suleqatigalugit nutaamik pilersitsisimallutit. Tassa aallakaatitassianik ´Nûno tutillugu´ .

- Komité naliliisartoq isumaqatigiilluarluni isumaqarpoq ´Nûno tutillugu´-mi takusavut nutaaliornerusut. Peqqusaartuullutillu. Tamakkua pisariaqartippavut, minnerunngitsumik paqumisat soorlu atoqatigiinneq inooqatigiinnerlu pineqartillugut, TP-mi siulersuisunut ilaasortaq Inge S. Rasmussen oqarpoq.

Tamanna peqatigalugu komitép naliliisartup erseqqissarpaa aallakaatitassiat qaqutigoortumik teknikkikkut pitsaassuseqartut, tamannalu pissutigalugu aallakaatitassiortut tamarmik nersualaartariaqartut.

- Tusagassiortutulli nersornaataavoq isumaqarpugullu Tusagassiortutsialattut toqqarneqartariaqartutit. Minnerunngitsumik pissutigalugu kinaassutsit tunniussimagakku. Aallakaatitassiallu aqqa pissutigalugu sakkortuumik isorineqarlutit immaqalu Akaarinninnginnermik inatsimmik akulaarlugu - allaat aallakaatitassiat suli aallakaatinneqanngitsulluunniit. Sapaammi unnukkut tv-kut KNR-illu qupperneratigut nittartakkakkut aallakaatinneqarnerisa kingorna isorinninneq nipangersimalluni.

Neriuppugut atoqatigiittarnitsinnik oqallinneq nipangersimassanngitsoq.

Neriunarpoq ´Nûno Tjutillugu´-p paqumaginninneq qaangersissagaa tamatsinnullu takutillugu siniffimmi avataanilu inuunermi ajornartorsiutit kisermaatinngikkibvut, Inge S. Rasmussen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER