Citylufthavn Kalaallit Nunaannisut
Nunatsinni mittarfiit assilillugit Århus Havn-imi citylufthavn-iliortoqassaaq.
Østhavn-imi Århusimiittumi citylufthavniliortoqassamaarpoq, nunatsinni Dash-7-inut mittarfiit assilillugit taamaattuliortoqarnissaa mittarfeqarnermut qullersat takorloorpaat.
Qangattariartafiit, qulliit, sumiissusersiutit mikkiartortarfiillu qanoq ittuunissaat aalajangersimalluinnartunik malittarisassaqarput, tamakkulu tamaasa Statens Lufthavnsvæsenip akuersissutigisussaavai.
– Statens Lufthavnsvæsen umiarsualivimmit siunnersuutigineqartutut citylufthavniliortarneq pillugu misilittagaqarluarpoq. Tamakku Kalaallit Nunaanni mittarfeeqqanut eqqaanartorujussuupput,luftfartsvæsenimi teknikumingeniøri Ole Hald jp.dk-mut oqarpoq.
Ilaatigut London City Airport 1987-imi ammarneqartoq tunngavigalugu Århusip qanittuani mittarfiliornissaq siunnersuutigineqarsimavoq.