Julie politikerinngorusuppoq
Ukiuni arlalinnik nipilersornermik sammisaqareersimalluni ukiunilu 13-ini Danmarkimeereersimalluni Julie Kalaallit Nunaannut utilerpoq. Maanna politikki samminialerpaa.
Julie Berthelsen inuunerminik allanngortitsinialerpoq, Kalaallit Nunaannut nuulluni nutaamillu ilinniagaqalerluni. Taamatut sapaatiummat B.T.-mut oqaluttuarpoq, tassani quppernerni sisamani Julie Berthelsenip inuunini siunissanilu oqaluttuaralugit.
Ilaatigut tikippaa qallunaamik ataataqarluni kaallimik anaanaqarluni kinaassutsimik ajornartorsiorneq, aammattaarli oqaluttuaralugu politikki inuunermini imaqaleraluttuinnartoq.
- Politikki soqutigileraluttuinnarpara. Pilersaarutigaaralu politologimut ilinniarniarlunga, B.T.-mut oqaluttuarpoq, erseqqissarluguli ukiuni tulliuttuni marlussunni qinigassanngortikkallarnaviarnani.
Allaaserisami oqaatigineqanngilaq Julie Berthelsen partiimut sorlermut piniarnersoq, politikkimik aallussiniarnerminik pilersaarunni piviusunngortissagunigit piviusunngortikkunigillu.