Skip to main content

Nuummi inissiat nutaat 300-t

Namminersortut inissialiornerat illoqarfiit pingaarnersaanni unittoorsimavoq.

Kommunalvestyrelsip kingullermik ataatsimiinnerani Nuummi inissianik sanaartorneq annertusineqarpoq, kommunemi pilersaarut Qinngutsinni Pingorsuani inissianik 300-nik ilaqartoq tamarmiusunit akuersissutigineqarmat, Nuuk Ugeavis allappoq.

Nunatta karsianniit inissiat sananeqartussat tassaapput inssiarsuit napasuliatut sanaartukkat, illussanik titartaasarfimmi Carlsen & Clementimi titartarneqarsimasut, entreprenørinillu Permagreenimit sanaartorneqartussat.

Sanaartorneq qaammatinik 40-nik sivisussuseqassaaq: napasuliaq siulleq ukiakkut 2011-mi piariissalluni kingullerpaarlu 2013-ip naanerani naammassissalluni.

Taammalilluni Nuummi unkiuni 20-ni sanaartornikkut suliassat annersaat aallartinneqarpoq.

1980-ikkut naanerisa tungaanut inissianik sanaartorneq sunaluunniit 100 %-imik pisortanit aningaasalersorneqarpoq, 1990-ikkunnili namminersortut inissialiortarnerat pisortanit tapiiffigineqartoq atugaaleriartorsimavoq.

Nuup illoqarfiata immikkoortortaa nutaaq Qinngorput tamakkiingajattumik namminersortunit inissialiorfigineqarsimavoq, tassalu piginneqatigiillutik inissiat inissiallu nammineq pigisat.

– Taamaattorli 2008-mi namminersortut inissialiornerat unittuuissimavoq, taamaattumik Nuummi pisortat inissialiortarnerata aallarteqqinnissaa pisariaqalersimavoq, Ineqarnermut Naalakkersuisoq Jens B. Frederiksen, Demokratit, oqarpoq.

A/S Inissiaatileqatigiiffimmi INI-mi Namminersorlutik Oqartussani initaarniarlutik utaqqisut 2.200 utaqqisutut allattorsimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER