Skip to main content

Nerisassat peqqinnartut ussassaarutigalugit

Brugsen Sisimiut Peqqissaavik Kigutileriffillu suleqatigalugit nerisassat peqqinnartut pillugit pingasunngornermi unnukkut pisisartunut ussassaarivoq..

– Peqqissaaviup nerrivia unnuk manna pingajussaa ornippara, tassami ilaqutariinni nerisartakkavut allanngortittariaqaratsigit, pisisartoq Kiista Qvist Aasianniit Sisimiunut feriartoq oqaluttuarpoq.

Kiista Qvist nerisassanik peqqinnartut pillugit paasissutissanik ujarlertuarpoq, tassami uini sukkornermut ulluni makkunani misissortimmat.

Nappaat taanna nerisatsinnit tunngaveqarsinnaasoq annertuumik ukiuni makkunani siammariartortoq, peqqissaasoq Cecilie-Karla Olsen, Qeqqata Kommuneani peqqissaavimmeersoq erseqqissaavoq.

Taanna peqqissaaviup saqqummersitsiviani peqqinnartut pillugit Brugsen Sisimiut pisisartunut aaqqissuussinerani paasisitsiniaavoq.

– Takorlooriarsiuk timersi tassaasoq nukissiorfik, atorneqarpallaaruni qamissinnaasoq, peqqissaasoq oqarpoq, tikkuarlugit nerisassat 'timip nukissiorfianik' aseruisinnaanngitsut, nukittorsaataasinnaasulli.

Peqqissaavik nerriviliorsimavoq, takutillugit ulloq naallugu nerisinnaasavut, soorlu tuttup neqaa, kapisillit, naatsiiat, naatitat, iffiat, qallersuutissat orsoqarpiangitsut paarnallu timitsinnut peqqinnartut, puallaraluttuinnarnermik taamaattumillu nappaatinik malittaanik unitsitsisinnaasut.

pisisartut tamussiussassaannik assigiinngitsunik agguaasoqarpoq, soorlu neqileriffiup nammineq pølsiliai orsukitsut, pizza naatitalik, qallersuutissat orsukitsut kiisalu Brugsenip nammineq iffiugai aqajaqqumik sulisitsilluartartut.

Pisisartut 150-it missaanniittut Kalaallit Nunaanni Brugsenip pisisartunut paasissutissiinermullu ataatsimiititaliaanit Sisimiunut ataatsimiigiarsimasunit aamma ilassineqarput.

Ilaasortat tallimat Brugsenip isaariaani paasissutissanik agguaapput, pisiassat økologi tunngavigalugu tunisassiat pillugit. Økologi tunngavigalugu nioqqutissiat pillugit paasissutissiivugut, taakku tunisassiat Brugsenimi pisiassat akornanni amerliartuinnartut, ataatsimiittartuni ilaasortat erseqqissarpaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER