Skip to main content

Sisimiuni atuisartut unnussiornerat

Brugsen Sisimiut ilaatigut kigutigissarneq sammillugu atuisartunik unnussiortitsivoq.

Brugsen Sisimiut pingasunngornermi 17.marts nal. 18.30 - 21.00 atuisartunik unnussiortitsissaaq, ilaatigut kigutinik paarsineq sammineqassalluni Kigutileriffimmilu sulisut naapinneqarsinnaassallutik, aammalu Brugsenip atuisartunut qaammarsaamermullu ataatsimiititaliaa najuutissallunu.

Qeqqaalu Kommuniani Peqqissaavimmi peqqinnartunik nerisassiortartoq Cecilia-Karla Olsen aamma najuulluni nerisassat peqqinnartut pillugit siunnersuillunilu ilitsersuussissaaq. Brugsenip ilaatigut nioqqutissat sukkoqanngitsut nittarsaatissavai.

Brugsenip atuisartunik unnussiortitsinerani aamma tunisassiorfiit ammatinneqassapput, neqileriffimmi tunisassiassat suliarineqartarnerat takuneqarsinnaassalluni, Bake Off-imi iffiukkat assigiinngitsut qalarlaat naamaneqarsinnaassallutik ooqattaarneqarsinnaassallutillu.

Atuisartunik unnussiortitsinermi assigiinngitsorpassuarnik ooqattaagassaqassaaq. De 5 Gårde iffianik qalarlaanik egesnapsimillu ooqattaagassaateqassallutik. Den Grønne Slagter qallersuutissanik orsukitsunik ilisarititsissaaq Änglamarkilu aamma tunisassiaminik ilisarititsissalluni.

Kigutileriffiup paasissutissiinerata saniatigut aamma Colgatemiit Aquafresh-imiillu kigutigissarnermut atortunik assigiinngitsunik paasissutissaqassaaq.

Atortuerniarfimmi Nintendo Wii kusanartunik akissarsiassartalimmik unammisitsissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER