Ikiaroornartoq ullaakkorsiutitut

Ukiut 15-nit ikiaroornartumik atuereersimasup ullarnganiit Nuummi illoqarfiup qeqqani ikiaroorartussarsiortup qaanginiarsinnaanissamini ikiuisinnaasunik amigaateqarpoq.

Hash-imik atornerluisut ullaarnganiit pujortagassaminnik ujarlilersarput. Ass. Pol-foto

– Qulingiluap missaani makippunga, maannalu nalunaaquttap akunnerata missaa maani illoqarfiup qeqqani ujaasivunga. Mikingaarmata narrusaqattaarama suli pissarsinngilanga, taama oqarpoq aterminik isertuussisoq siusinaartumik soraarnerussutisialik.

ALLAASERISAQ ATUARUK: Ikiaroornartuerniarmik inuussutilik

Kinaassutiminik isertuussisup 26-nip ukiullip aqqanilinnik ukioqarlunili ikiaroornartumik atuilersimasoq unitsitisiniarnissaminut ikiortissaminik amigaateqarpoq.

Ikiaroornartup paasititsiniutigisariaqarnera inuiaqatigiit akornanni pisariaqarluinnartoq isumaqarpoq. Pingaaruteqarnerarpaalu ikiaroornartut meeqqat inuusuttullu 18-it inorlugit ukiullit akornanni atorneqannginnissaa.

ALLAASERISAQ ATUARUK: Ikiaroornartumik akiuiniarneq ilungersunartoq

Ikiaroornartumik pinngitsuuisinnaajunnaarsimagaluarluni unitsinissaanut ikiorneqarnissaminik amigaateqarnerarpoq. Nammineerlunili sumut saaffiginnissalluni nalugamiuk.

Piviusut:


Tarnikkut pinngitsuuisinnaannginneq

Cannabis pinngitsoorneqarsinnaajunnaarsinnaavoq. Ajornerpaalluni tarnikkut pinngitsuuisinnaajunnarneq: Inuusuttut amerlasuut oqaluttuarput, hashimik unitsitsiniarnermi, ulluinnarni ileqqut amerlasuut unitsittariaqartarlugit, tamatigullu kammalaatitik. Hashimik pujortarunnaarniarneq ajornakusungaatsiartarpoq, pujortaqatigisartakkat suli ilagisartillugit.

Tusarfik: http://www.perron3.nu/site/Perron3/Rusmidler/Hash/

Powered by Labrador CMS