Skip to main content

Odense Zoomi kalaallit ullui

Danmarkip ukiorissaarnersua Fynimi uumasuuteqarfimmi qimussernermut, tivanermut kalaallillu sammisartagaannut tunuliaqutaalluarpoq. Assit takukkit.

Ukiut tallimassaa tulleriisiinnarlugu Odense Zoo Kalaallit Illuat suleqatigalugu sapaatip akunnerata naanerani februaarip 6-anni 7-annilu kalaallit ulluinik aaqqissuussivoq.

Qallunaat nunaata aputeqaqaluni ukiorissaarnersua kalaallit sammisaannut assigiinngitsunut tunuliaqutaalluarpoq:

Mads Lumholt tivanermik aliikkusersuivoq isiginnaartullu oqaluttuullugit tivaneq qanga sumut atorneqartarsimanersoq.

Tuttup quttoraanik misiliititsisoqarpoq. Ulloq taanna Rasmus Lyberthip guitarini savimmik taarsersimavaa, neqimillu misileerusuttunut agguaassilluni.

ASSIT TAKUKKIT: Odense Zoo-mi kalaallit ulluannit assit

Qaanniorneq, kalaallit sanaaluttut, kalaallisuut pillugit oqalugiarneq erinarsoqatigiillu Umiaq aamma misigineqarsinnaasimapput.

Soorunami aamma qimuttoqarpoq, tamakkualu uumasuusivimmut pulaartut soqutiginersaavaat. Afrikap narsaatigut Okavangokkut qimusserneq misilinnneqarsinnaasimavoq. Peqataasut marluk, Jes aamma Mai Laursenip kalaallit qimuttui qulit nassarpaat.

Sjællandimit aggiunneqarsimapput biilimi immikkut sanaami assartorlugit.

– Uagutsinnut inooriaasiupput, Jes Laursen oqaluttuarpoq.

– Qimmit pissarsiarisimavagut Sisimiut, Ammassalimmit kingullermillu ukiut arfineq-marluk matuma siornatigut Savissivimmit. Ukiuni 25-ini qimuttunik qimmeqarsimavugut.

Nivissat aamma qimussersinnaapput: Fynimiu Maibrit Schaumburg pingasunik qimmilerluni peqataavoq.

– Qimmeqarani inuuneq uannut inuunerunngilaq. Suliarlu annertugaluartoq nallerneqarsinnaanngilaq, Maibrit Schaumburg oqaluttuarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER