Naartuersittarneq: Maniitsoq maligassatut
Naalakkersuisut isumaqarput' Maniitsumi periaaseq' nunap sinneranut siaruarneqassasoq.
Maniitsumi misilittakkat pitsaasut naartuersittarnerup annikillisarnissaanut nunap sinnerani atorneqassapput.
'Maniitsumi periuseq' annertuumik paasissutissiinertalik, sammineqartunullu qanittumik attaveqartoq naartuersittarnermik 43 procentimik annikillisitsisimavoq.
Tamanna peqqissutsimut naalakkersuisup Agathe Fontainip, IA-meersup, Malik Berthelsenimut, Siumut sinnerlugu Inatsisartunut ilaasortaasumut akissutaani erserpoq.
Agathe Fontain nalunaarpoq, 2008-miit 2012-imut kissaatiginagu naartulertarnerit annikillisinnissaannut pilersaarutit naalalakkersuisut naleqqussaleruttoraat.
Suliaq marlunnik sammiveqassaaq:
Siulleq 'Nuummi periuseq' illoqarfiit pingaarnersaanni pissutsinut naleqqussagaq. Aappaa tassaassaaq sinerissami napparsimmavinni peqqinnissaqarfinnilu tamakkiisumik periusissaq 'Maniitsumi periuseq' aallaavigalugu.
Kalaallit Nunaanni arnat naartuersinnissaminnik noqqaasut ima ilisarnaateqarput Agatha Fontain naapertorlugu:
Arlallit kisimiittuupput, naatsumik ilinniagaqartuullutik, arlallillu suliffeqanngillat. Kalaallisut oqaasillit arlallit naartuersikkusupput, arlallillu ilinniartuullutik. Apparisamik ajornartorsiuteqarneq, aningaasaqarneq inissaqarnerlu ilaatigut naartuersinnermut aalajangiinermi nipilersoqataasarput.