Skip to main content

Kangerlussuarmi efterskoli matussaaq

Naalakkersuisut sinerissap ilaani allamik ataavartumik nutaamik efterskoliliornissamut periarfissanik misissuiniarput.

Kangerlussuarmi efterskolernermi toqqissisimanartumik pissarsiffiulluartumillu ilinniarfimmik pilersitsiniarneq iluatsissimanngilaq, taamaattumik aalajangerneqarpoq efterskoliugallartoq matuneqassasoq.

Taamaattumik Naalakkersuisut inuusuttut 80-it Qasigiannguani efterskolerniarlutik qinnuteqarsimasut siunnersorumavaat, sumiiffimminni Piareersarfimmut imaluunniit atuarfimmi siunnersuisarfimmut saaffiginneqqullugit, allami atuarnissaminnik ilinniarnissaminnillu periarfissanik ujartuillutik.

Taama tusagassiuutitigut nalunaarumminni allapput.

Kangerlussuarmi ukiuni 2008-mi 2009-milu efterskolerluni ilinniarallarnerit takutippaat inuusuttut akornanni taamaatiinnartut amerlavallaarsimasut.

– Taamaattumik Kangerlussuarmi toqqissisimanartumik pissarsiffiulluartumillu ilinniarfimmik pilersitsiniarneq ajornakusoorsimavoq, ilaatigut illuutit qanoq ittuunerat peqqutaalluni, sumiiffimmilu ilinniartut atugarissaarnissaminnut periarfissaat pitsaanerpaajusimanatik, Naalakkersuisut allapput.

– Assersuutigalugu ilinniartunut tamanut ilaqutariinnik pulaartartunik pilersitsinissaq ajornarsimavoq, soorlu aamma ilinniartitsineq Kangerlussuup Nunatsinni angallaffiit qitiunera peqqugalugu akornusersorneqartuartarsimalluni.

Aasaq 2009/2010-mi atuarnermut tunngatillugu Villads Villadsenip Efterskolianik Kangerlussuarmi efterskoliugallartumik isumaqatigiissuteqartoqarsimavoq ukiumi ataatsimi atuuttussamik.

Efterskolip siulersuisuisa nalunaarutigaat ukiup tulliani taama aaqqissuussineq ingerlanneqassanngitsoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER