Skip to main content

Robert Petersen ataqqinaammik doktorinngorpoq

Kalaallit Nunaanni professori kalaaleq siullerpaaq aamma Ilisimatusarfimmi siullermeertumik ataqqinaammik doktorinngortinneqarpoq. Taallimanngormat Ilisimatusarfiup oqaluttuarisaanerani siullermeerumik toqqarneqarpoq.

Ataqqinaammik doktorimut toqqaasoqartarpoq inunnik pingaarutilimmik annertuumillu nunarsuarmi tamarmi ilisimatuussutsikkut suliaqarsimasunik, ilisimatusarfimmilu ilisimatusarnermik ilisimatuunngorniarlunilu ilinniartitaanerup iluani annertuumik suliniuteqarsimasunik.

- Nuannaarutigeqaara ilsimatusarfiup rektoria siulleq professor Robert Petersen Ilisimatusarfimmi ataqqinaammik doktoriunermut siullermut toqqarsinnaagakku, taama saqqarmiumik tunisinermini rektor Tine Pars oqarpoq.

Robert Petersen ukiorpanni antropologimi oqaatsinullu tunngatillugu inerititaqarluartumik sulisimavoq, tuluttut, qallunaatut kalaallisullu saqqummersitsisarluni. Nunarsuup sinnerani Kalaallit Nunaanni pissutsini aammaluni inuiaat Inuit pillugit immikkut ittumik ilisimasalittut ataqqineqarpoq.

- Kalaallit Nunaanni nunatsinni ilisimatusarfimmik tunngaviliisutut, ilisimatuutut, ilinniartitsisutut siammarterisutullu pingaarutai pingaarluinnartuupput, taama ataqqinaamik doktorinngornissamut atatillugu naliliisussat oqarput.

Naliliisussat tassaapput, professor Louis-Jacques Dorais Université Lavalimiit Canadami Québecimiittumiit, lektor Ole Marquardt, Ilisimatusarfik aamma lektor Birgitte Jacobsen, Ilisimatusarfik.

Taaguutigilerpaa: Doctor PhD h.c., naalisagaq h.c. isumaqarluni 'honoris causa', latinerisut isumaqarluni 'ataqqinaammik toqqaanermi peqqutasoq'.

Ilisimatusarfimmi ataqqinaammik doktorinngornermut saqqarmioq Kalaallit Nunaanniit gultimit sanaajuvoq (14 karat), Smykkeværkstedetimilu Palle Møllerip Ilisimatusarfik suleqatigalugu sanaaralugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER