Nalliuttorsiornissamut atatillugu nittartagaq

Air Greenland ukiut 50-it siulliit atasimanini pillugu nalliuttorsiornermini nittartakkamik pilersitsivoq, unamminernik suliffeqarfiullu oqaluttuarisaaneranik paasissutissanik imaqartumik.

Ukiunik 50-iliinerminut atatillugu Air Greenland immikkut ittumik nittartagaliorpoq.

Air Greenland siusinnerusukkut maajillu 2002-p tungaanut Grønlandsflymik taaguuteqarsimasoq, ukiorpassuarni nunami isorartoqisumi Kalaallit Nunaanni inunnik angallassisarsimavoq. Qanga sapaatip akunnerpassui atorlugit Qaqortumiit Ilulissiartoqarsinnaavoq, ullumikkulli tamanna ualeq ataaseq atorlugu ingerlanneqarsinnaalluni. Tamannalu nalliuttorsiutigineqassaaq, 2010-p annersaani ingerlanneqartussamik.

Ukiup ingerlanerani nalliuttorsiornissamut atatillugu nittartagaq pisussani qitiussaaq, tassanilu atuisut salliutinneqassapput. Pisussarpassuit pilersaarutaasut ilaat makkuupput:

Timmisartut DASH 8-200 nutaat marluk atissaannut unammisitsineq

Assilisanik unammisitsineq nalorsitsaarinerillu eqqugassatsialannik eqqugassaqartut

Mittarfippassuarni kaffillernerit

ukiup ingerlanerani angalanissanut neqeroorutit assigiinngitsut

Sinerissami tusarnaartitsinerit

Kulturikkut illuni pingasuni meeqqanut Flying Superkidsikkut Katuami, Taseralimmi Sermermiutnilu takutitsillutik

Tamakkorpassuit nalliuttorsiornissamut atatillugu nittartakkami atuarneqarsinnaapput, taannalu suliffeqarfiup nittartagaani nalinginnaasumi www.airgreenland.gl -imiippoq.

Aamma oqaluttuarisaanermut tunngatillugu immikkoortoqassaaq, tassani nammineq oqaluttuat assilisallu ilanngunneqarsinnaallutik.

Unammillerneqarnermigut Air Greenland ullumikkut unammisassarpassuaqarpoq, taamaattorli aamma nunatsinni aatsitassarsiornerup takornarianillu soqutigineqarnerup annertunerulersimaneratigut periarfissanik nutaanik annertuunik pilersitsisoqarpoq,

Powered by Labrador CMS