Skip to main content

Aqutsisut ilitsersuisutut allagartallit

Qaasuitsup Kommuniani aqutsisut qulit pimoorussilluartut allannguinissamillu piumassusillit ilinniarnertik 'aqutsisoq ilitsersuisutut' naammasseqqammerpaat - tassalu qaammatini tallimani immikkoortut sisamat ingerlanneqarlutik.

Ilinniarnerminni aqutsisut Aasianneersut qulequttat sisamat sammisimavaat: attaveqaqatigiinneq, ilitsersuineq, aqutsineq suleqatigiinnillu piorsaaneq.

Qulequttat taakku sisamat taputartuuneranni peqataasut ataasiakkaat aqutsisutut inissisimanermik qanoq inneranik sukumiisumik paasisaqarput, akunnerminni avammullu attaveqarnerup pitsanngorsarneqarlunilu ineriartortinneqarluni, ilitsersuinissamut sakkussaminnik pissarsillutik suleqatigissitanillu pitsaalluinnartunik tunniussaqarluartunillu pilersitsinissaminnut periusissanik ilikkagaqarlutik.

Suliffeqarfimmik ataasiusumik aggerfeqarnerat peqataasunut annertuumik naleqarpoq, suliap ingerlanerani tapersersoqatigiinnissamik immikkut ittummik pilersitsilluni kiisalu ineriartoqqinnissaminni allannguiniarnerminnilu ingerlanniakkaminni iluaqutigilluarlugu.

Ilinniartitaaneq Pisortatut Ilisimatusarfiup/Ledelsesakademiet aamma Forandringskompagniet suleqatigiinnerisigut pilersinneqarpoq.

Ilinniartitaaneq aamma arfineq marlunnik ilaasoqarluni Nuummi ingerlanneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER