Skip to main content

Ataataqanngitsut inatsisit allanngorteqquaat

Peqatigiiffiup nutaap, 'Inatsitigut Ataataqanngitsut', inatsisitigut illersugaanngitsutut inissisimanertik qaangerumallugu inatsisit allanngortinneqarnissaat kissaatigaat.

Kanngusunneq, maqaasisaqarneq nalorninerlu. Misigissutsit sakkortuut tamakku pissutaallutik inuit ataataqanngitsut arlallit pingasunngormat Ataataqanngitsut Peqatigiiffiannik pilersitsipput, knr.gl. taama allappoq.

Ataataqanngitsut katillugit 28-t Nuummi Katuamut aggersimapput, ataataqarani misissigissutsit oqaasertalerumallutik.

Taakku ilagaat Emilie Olsen.

– Uanga una inuuninni misigisimasama qamuuna attortinnarnerpaat ilaattut isigaara, peqatigiiffittaarli aamma nuannersutut toqqissiallannartutullu isigaara, kisimiikkunnaarama. Nuummimi aggiasorpassuit tamarmik uattuulli misigisimapput.

Meeqqat Kitaani 1963-ip siornatigut aammalu Avannaani Tunumilu 1974-ip siornatigut uersagaallutik inunngorsimasut inatsisitigut sumiiffeqanngitsutut inissisimapput. Ilaatigut eqqartuussivik aqqutigalugu ataatalerneqarsimanatik.

Emilie Olsen ataatani ujarniarlugu pisortanut saaffiginnittuartarsimagaluarpoq - iluatsitsinngisaannarsimallunili.

– Ulloq manna tikillugu kinaanersoq ilisimanngilara. Saaffiginnittarsimanerpassuarigaluakka kinguneqartarsimanngillat. Qitornama kajumissaarinerat tunngavigalugu 2010-imi nassaariniassavara. Neriuppunga peqatigiiffiup nutaap uattullu atugallit allat ikiorsinnaassagaannga.

Ataatsimiinnissamik sulissutiginnittuuvoq Tida Ravn, ukiut 40-ngajaat atorlugit ataataminik ujaasisimasoq. Iluarsaassisoqartariaqalerpoq, oqarpoq inatsisillu allanngortinneqarnissaannut inatsisilerinikkut pisinnaasaqarluartunik ikiortissarsiorluni politikikkullu akuleruttoqarnissaa kissaatigalugu.

– Inatsisilerituunik qaaqqusissaagut paaserusukkatsigu sooq inatsisit taamaannersut sunalu pissutigalugu uagut inatsisitigut illersugaannginnersugut. Naalakkersuisut aamma akuleruttariaqarput, tamanna aamma namminneq sussarigamikku. Suliaq qanoq inerneqarumaarnersoq ilisimanngilarput, sulinerli aallartinneqareerpoq suliarlu pitsaasuuvoq, Tida Ravn oqarpoq.

Peqatigiiffik suleqatigiissitamik pilersitsivoq, tassanilu Stina Sørensen attaveqarfigineqarsinnaavoq. Nuummi peqatigiiffik februarip 24-ianni ataatsimeeqqissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER