Skip to main content

Spaniami takornariassarsiorneq

Nunarsuarmi spaniamiusut oqaluttunut takutitsinerit annersaanni Kalaallit Nunaanni Takornariaqarnermut Inuussutissarsiornermullu Siunnersuisoqatigiit Kalaallit Nunaat usssassaarutigeqqammerpaat.

Madridimi angalaffissanik takutitsinermut FITUR-imut atatillugu GTE-p sisamanngormat Kalaallit Nunaat takornariarfissatut ussassaarutigaa qulequtaralugu ´Suenos de Groenlandia´ (Kalaallit Nunaannik sinnattut).

FITUR spaniamiusut oqaasilinnut nunarsuarmi takutitserit annersaraat.

Angalatitseqatfigiiffiit sisamat Kalaallit Nunaanni angalatitsisartut, soorlu Narsarsuarmi Blue Ice Explorerip spaniamiut angalatitseqatigiiffii qaaqquvaat spaniamiunullu Kalaallit Nunaat angalaffissatut nutaatut pissanganartutut oqaluttuaralugu.

Unnuk taanna saqqummiussisut ilagaat spaniamiu issittumi misigisassarsiortartoq tusaamasaq Ramón Larramendi, nunatsinni sermersuarmi misigisagassarsiorluni angalasarnerminik arlalissuariarluni spaniamiut tv -anni oqaluttuartarsimasoq.

Taanna sapaatiuppat spaniamiut tv-anneeqqissaaq kingullermik Thulemut angalanini oqaluttuaralugu, tassa siorna kalaallit piniartut spaniamiullu tv-kut aallakaatitassiortut ilagalugit Qaanaap avannaani Humboldtip sermianut angalanini oqaluttuarissallugu.

Kalaallit Nunaanni Takornariaqarnermut Inuussutissarsiornermullu Siunnersuisoqatigiit naatsorsuutigaat Spaniamit takornariat 600-t siorna Kujataaniissimasut, taqqanna ukiuni kingullerni spaniamiunit nuannarineqaleriartorsimalluni.

- Angalatitseqatigiiffiit nalunaarutigaat aasaru aamma Kalaallit Nunaannut angalanissaq spaniamiunit soqutigineqarluartoq. Tamanna peqatigalugu 2010-mi siullerpaamik spaniamiut umiarsuaannik takornariartaammik Kalaallit Nunaanni illoqarfinnut angalasoqassaaq. Umiarsuaq ateqarpoq Grand Mistral, taassumalu ornissavai Qaqortoq, Nuuk, Ilulissat Qeqertarsuarlu, Malik Milfeldt GTE-meersoq oqaluttuarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER