Haitimut katersuiniarneq

Haitimi nunap sajunneranik eqqugaasimasunut Røde Kors sinerissami sumiiffinni arlalinni januaarip 31-anni katersuiniassaaq. Nuummi aningaasanik tunisisoqarsinnaavoq unnummi kulturisiorfimmi.

Foto: Polfoto.

Nuummi Unnummi Kulturisiortoqarnerani Haitimut aningaasanik tunisisoqarsinnaavoq, taamatut allappoq knr.gl.

Kulturisiorfimmi peqataasut arlallit aningaasanik katersinissamut akuersisimapput, ilaatigut naluttarfik Malik, Air Greenland, Pinngortitaleriffik, politiit qatserisartullu allarpassuillu.

Røde Korsip atornikuerniarfia nalunaaqutaq 22-p tungaanut ammassaaq isertitallu tamarmik Haitimut tunniunneqassapput.

Unnummi kulturisiorfimmi katersuiniarnissaq pissutigalugu Nuummi illunut angalaarluni katersuiniartoqassanngilaq.

Taamaattoq sinerissamili illoqarfinni arlalinni taamaasiortoqassaaq, tassa Qaqortumi, Narsami, Narsarsuarmi, Sisimiuni, Ilulissani Qasigiannguanilu, tamannalu pissaaq januaarip 31-anni illoqarfinni taakkunani illunut angalaarluni katersuiniartioqassalluni.

Tamatuma saniatigut normunut ukununnga sianerluni aningaasanik tunniussisioqarsinnaavoq:

163-imut sianerluni 25 koruuninik tunisisoqarsinnaavoq,

166-imut 50 koruuninik 1

69-imulluunniit 100 koruuninik.

Aamma aningaaserivikkut tunisisoqarsinnaavoq kontu normumut uunga 6471-800-800-8.

Powered by Labrador CMS