Skip to main content

Uiloq OL-imut suli neriuuteqarpoq

Uiloq Slettemarkip nunat tamalaat OL-imut anngunnissamut piumasaqaataat angoqqippaa World Cupimullu annguteqqilluni.

Uiloq Slettemark Vancouverimi OL-eqarnissaanut, qaammat ataaseq qaangiuppat aallartittussami, peqataanissaminut suli neriuuteqarpoq. Tamanna pivoq Østrigimi sapaatip akunnera ataaseq sungiusareerluni Østtysklandimiusimasumilu Altenbergimi annguteqqinniulluni peqataanermigut, tassani naatsumut 7,5 kilometerimut unamminermi peqataalluni.

Uiloq ooqattaasarnermi pissutsini ajornakusoortuni angusarissaapajaarpoq, pallorluni nikorfallunilu ooqattaasarnermi marloriarluni uniortarluni. Uiloq peqataasunit 84-init nr. 54-inngorpoq. Uilup World Cupimut anngunnissamut piumasaqaat 40 sekundinik qaangerpaa, taamalu aamma OL-imut anngunnissamut nunat tamalaat piumasaqaataat qaangerlugu.

- Unamminermi matumani tamaviaartariaqarsimavunga. Unammineq periarfissatuarisimavavara World Cupimut annguteqqinnissannut aammalu OL-imut piumasaqaatip angunissaanut. Marloriarluni ooqattaasartarnerit ajornakusoorsimaqaat anorleqimmat, taamaattumik naammagisimaarluarpara anorimi nikeraqisumi ooqattaasarnermi amerlanerpaanit angusarissaarnerugama. Østrigimi sungiusarnera iluaqutigilluarsimavara misigisimavungalu siuariartorlunga. Maanna neriuutigilluinnarpara World Cupini unamminissani tullerni marlunni ooqattaasarnermi oqilaniunnermilu angusarissaarluarnissara, Uiloq Slettemark oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER