Skip to main content

Aleqamut suliaq misissorpaa

Aleqa Hammond nipangiussisussaatitaanerminik unioqqutitsisimanersoq pillugu suliaq naalagaaffiup eqqartuussissuserisuanut ingerlateqqinneqarpoq.

Siumup siulittaasuata Aleqa Hammondip qinigaasinnaanermut ataatsimiititaliami nipangiussisussaatitaanerminik unioqqutitsisimanerarneqarneranut tunngatillugu suliaq oktobarip naalerneraniilli politiit misissorpaat.

Maannakkut suliaq naalagaaffiup eqqartuussissuserisuanut ingerlateqqinneqarpoq, vicepolitimester Morten Nielsen KNR-imut oqarpoq.

Aleqa Hammond nipangiussisussaatitaanerminik unioqqutitsisimanerarneqarpoq, Inatsisartut qinigaasinnaanermut ataatsimiititaliaani issiatilluni. Ataatsimiititaliap misissortarpaa Inatsisartunut ilaasortanngortussat pineqaatissinneqarsimasut.

AG-p allaaserisaa naapertorlugu Aleqa Hammondip ataatsimiititaliami ilisimasani ataatsimiititaliap avataani arlalinnut oqaatigisimagai - nipangiussisusaatitaanini unioqqutillugu.

– Suliani taamaattuni innuttaasut qinigaat pineqartillugit suliat naalagaaffiup eqqartuussissuserisuanut ingerlatinneqarput, tassani suliareqqinneqarnissaa siunertarlugu, Morten Nielsen oqarpoq.

Naalagaaffiup eqqartuussissuserisua tassaavoq qallunaat naalagaaffiani unnerluussisut qullersaat, ilaatigut pinerluuteqarsimasunut tunngatillugu suliani Højesteretimi suliaqartartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER