Skip to main content

450.000 kronit meeqqanut suliniutinut

Foreningen Grønlandske Børn-ip Kalaallit Nunaanni suliniutit, sumiiffinni meeqqat atugaannut iluaqutaasussat tapersersorpai.

Ullumikkumiit februarip 28-iata tungaannut kalaallit arnat angutilluunniit, sumiiffimminni meeqqanut iluaqutaasussanik suliniuteqarniattut aningaasanik Foreningen Grønlandske Børnimut qinnuteqarsinnaapput.

Aningaasat Kalaallit Nunaanneersuupput Kalaallit Nunaannilu atorneqartussaallutik, peqatigiiffik iliisimatisivoq.

– Siunnersuutit atorluarsinnaasut tamarmik qujarunnarput. Pingaartumik suliniutitut aallartinneqarsinnaasut, kingorna pisortatigoortumik tapiinikkut ingerlateqqinneqarsinnaasut. Tamakku tassaasinnaapput meeqqanut igaffiit nutaarluinnaat tamakkuninngaluunniit aaqqissuussinissat, sannavinnik allanilluunniit pilersitsinissat. Sapernartut kisimik sapernassapput, Foreningen Grønlandske Børnip allattaa Tina Frausing oqarpoq.

Foreningen Grønlandske Børn Kalaallit Nunaanni meeqqat sapinngisamik amerlasuut angujumallugit taamatut siunnersuuteqarpoq.

– Aammali sumiiffinni ingerlatsineq namminerlu akissarsiaqarani sulisarnikkut suliniuteqartarneq nukittorsarumallugu. Soqutiginnittunik qinnuteqartoqarnissaa qilanaaraara. Tamatumalu kingorna pilersaarutinik naliliisussanik komiteliortoqarumaarpoq, Tina Frausing oqarpoq.

Inuussutissarsiorneq pillugu ataatsimeersuarnermi 'Future Greenlandimi', januar 2009-mi Nuummi ingerlanneqarsimasumi aningaasanik katersuiniartoqarsimavoq. Tassanilu Kalaallit Nunaanni suliffeqarfiit 46-it 350.000 krioninik katersuisimapput.

Kingusinnerusukkut nammineq tapersiisoq 100.000 kroninik tunissuteqarsimavoq, taakkulu meeqqat asimiittarnissaat tapersersorniarlugu meeqqat aasami asinissamut periarissaqanngitsut asimi feriartinnissaannut atorneqassapput.

Nammineq suliniuteqarnissamut aningaasaliissutit:

– Nammineerluni suliniuteqarnissamut aningaasaliissutinik 2010-mi januarip 26-ianniit februarip 28-iannut qinnuteqartoqarsinnaavoq.

– Aningaasat suliniuteqarnermut atugassat killilerneqarsimanngillat.

– Suliniut pillugu aningaasaateqarfinnut allanut qinnuteqaatigaluni aningaasanik taakkuninnga qinnuteqartoqarsinnaavoq. Tamannalu qinnuteqaammii takuneqarsinnaassaaq.

– Foreningen Grønlandske Børn suliniutinik tapiiffigineqartussanik aalajangiisussamik komiteliussaaq.

– Kalaallit Nunaanni illoqarfinni nunaqarfinnilu suliniutit annikitsut tapiiffigineqassapput.

– Suliniutissat ingerlalluarsinnaasuussapput taamalu pisortaniit tapiiffigineqarnikkut ingerlaqqissinnaasuussallutik.

– Suliniutit piumassutsimik akissarsiaqarani sulinikkut ingerlanneqartussaassapput.

– Suliniutissannut tapiiffigineqarsimaguit kingusinnerpaamik ukioq ataaseq qaangiuppat qanoq ingerlanersi peqatigiiffimmut oqaluttuarissavat. Assersuut: Igaffimmik pilersitsinermi meeqqallu igaffimmik atuisut siulliit assingi.

– Nammineq suliniuteqarnermut aningaasaliissutit angalanermi aningaasartuutinut suliniutinilluunniit ingerlalluareersunut atorneqarsinnaanngillat - suliniutit taakku nutaanik misilinniakkanik ilaneqartussaasimanngippata.

– Qinnuteqarnermi immersukkat uunga nassiunneqassapputl tf@fgb.dk, attaveqatigiinnerlu tamarmi e-mailikkut ingerlanneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER