Skip to main content

Nunatsinni sexologi siulleq

Ulrikka Holmip nunatsinni siullersaalluni sexologitut aappariinnillu siunnersuisutut ilinniarnini naammassivaa - maannakkullu siunnersortittarfimmik ammaaniarpoq.

Sexologip Joan Ørtingip paqumaffeqarani silarsuaa aappariinnik siunnersuinermut ilinniarfittaqartoq peqqutigalugu nunatsinni sexologit siullersaat Ulrikka Holm arnaq qaqutigoortoq pillugu paasiniaalerpoq, kingornalu Christianshavnimi Wildersgademi ilinnnialerluni.

- Sexologitut aappariinnillu siunnersuisartutut suliffik soqutigaara, nunatsinni atoqatigiinneq pilllugu matoqqanerput pissutigalugu. Meeqqat atuarfiani atoqatigiinneq pillugu ilinniartitsinermi kinguaassiutikkut nappaatit pillugit assilissat takutinneqarput, Ulrikka oqaluttuarpoq, isumaqarlunilu atoqatigiinneq aqqutigalugu puullaaqisarneq akiorneqarsinnaasoq, kiisalu timip akiuussutissaanik inuullu naleqassutsimik misigisimaneranik nukittorsaataasarluni.

- Usuup puui naartuersittarnerillu pillugit paasititsiniuterpassuarnik peqarpoq, taamaattorli atoqatigiinnermik ilinniartitsineq aqqutigalugu inuusuttut naleqassutsiminnik misigisimanerat nukittorsarneqarsinnaavoq. Naleqarluartutut misigisimaguit aamma imminut paarinerullutillu pitsaanerusumik atoqateriaaseqassaatit. Aamma assersuutigalugu ningarneq/sangianneq qaangeruminarnerussaaq, aserorsaaniarpallaaranilu. Sangianneq/ningarneq imminut naleqassutsimik amigaateqarnermik aallaaveqarpoq, Ulrikka Holm oqaluttuarpoq, oqaatigaalu qatanngutiminit pingasuusunit angajoqqaaminillu ilinniakkaminut allattut ittumut tunngatillugu tapersersorneqarluarluni.

AG-mi annertunerusumik atuaruk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER