Skip to main content

Ajoqusernerit qarasaasiakkut nalunaarutigineqarsinnaalerput

Ukiortaaq aallarnerfigalugu sulisilluni ajoqusernerit ajornannginnerusumik nalunaarutigineqartalerput.

Ulloq taanna pappialakkut nalunaarutit atorunnaarput, sulisillunilu ajoqusernerit digitaliseerikkamik nalunaarutigineqarsinnaalerput nittartakkakkut www.anmeld.gl-ikkut imaluunniit www.at.gl-ikkut.

Siusinnerusukkut sulisitsisup, nakorsap ajoqusertulluunniit immersugassat assigiinngitsut Sullivinnik Nakkutilliisoqarfimmut aamma Sulisilluni Ajoqusersinnaanermut Isumannaarineq pillugu Sullissivimmut nassiuttarnerinut naleqqiullugu malunnaatilimmik pitsanngoriaateqartoq, AIS nalunaarpoq.

Sulisitsisoq, nakorsaq ajoqusertorluunniit qarasaasiakkut nassiussippat nalunaarut ingerlaannaq Sullivinnik Nakkutilliisoqarfimmut aamma sulisilluni ajoqusersinnaanermut isumannaarineq pillugu sullissivimmut ingerlassaaq.

Nutaamik nalunaarutikkut Kalaallit Nunaanni Suliffigissaasut kissaataat eqquutsinneqarpoq, taamalu Arbejdsskadestyrelsep Sullivinnillu Nakkutilliisoqarfiup akornanni suleqatigiinneqalerluni, Kalaallit Nunanni Sulisilluni Ajoqusersinnaanermut Isumannaarineq pillugu Sullissivimmiit ikiorneqartumik.

- Qarasaasiakkut nalunaaruteqartalerneq assut nuannaarutigaarput, ajoqusertut, sulisitsisut kiisalu nakorsat sulisilluni ajoquserneq pillugu nalunaarutiginninnissaat ajornannginnerulersissammagu, sulisilluni ajoqusersinnaanermut isumannaarineq pillugu sullissivimmi allaffimmi pisortaq Kristina Nordby-Rachlitz oqarpoq.

Nunatsinni sulisilluni ajoqusernerit ukiumut 400-t missaat sullissivimmut nalunaarutigineqartarput, perlasinerillu 300-t sullivinni nakkutilliisoqarfimmut nalunaarutigineqartarlutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER