Skip to main content

Kalaallisut ilinniartitsineq naliliiffigineqassaaq

Meeqqat atuarfiiani kalaallisut ilinniartitsineq Inerisaaviup siullermeerluni naliliiffiginiarpaa.

- Kalaallisut ilinniartitsineq qanoq iliornikkut pitsaanerulersinnaanersoq misilittakkat tunngavigalugit innersuussinissatsinnut naliineq atorniarparput, taama oqarpoq Inerisaaviup nalilersuinermi pisortaa Ellen Jensen Karlsen.

Folkeskolen.dk allappoq.

Nunatsinni meeqqat atuarfiani misilitsinneq naliliinerlu nutaajupput, ilinniartitsisullu arlalissuit ilinniartitaminnik misiliineq sungiunniaqqaartussaassavaat.

- Ilinniartitsisut ilaat isumaqarput atuartut misilitsinnissamut naakkinartut. Taamatut isumaqarneq allanngortariaqarpoq. Meeqqammi ilikkagaqarusupput, Ellen Jensen Karlsen oqarpoq.

Aamma neriuppoq naliliinermi takuneqarsinnaassasoq, sooq atuartut angerlarsimaffimminni kalaallisut qallunaatullu oqaluttut kalaallisuinnaq oqaluttuninngarnit pitsaanerusumik angusaqartarnersut, aamma sooq nunaqarfimmi meeqqat illoqarfimmi meeqqaniit kalaallisut ilinniartitsinermi angusarissaarnerusarnersut, naak nunaqarfinni amerlanerni taamaallaat timerlærerinit ilinniartitsisutut ilinniarsimanngitsunit ilinniaretinneqaraluarlutik.

Kalaallit Nunaanni ilinniartitsisut kattuffiat IMAK, misilitsinnerit pillugit ilaasortaminit pitsaasumik pitsaanngitsumillu nalunaarfigineqartarpoq.

- Uagutsinnut pingaartuuvoq ilinniartitsisunut paasitissallugu misilitsinnerit sumut atorneqassanersut, mislitsinniaannarluni misilitsitsisoqanngitsoq. Taamaattumik kajumissaarutigaarput atuarfiit tamarmik tassunga tunngasumik ersarissumik politikeqarnissaat, IMAK-imi siulittaasoq Sivso Dorph oqarpoq.

Kalaallit Nunaanni atuarfinni meeqqat 71 procentii angerlarsimaffimminni kalaallisuinnaq oqaluttarput, 16 procentit kalaallisut qallunaatullu, 6 procentillu taamaallaat qallunaatut oqalullutik.

Nunatsinni nunap immikkoortuini atuarfiit tallimat peqataapput. Immikkut toqqarneqarsimapput, taamaalilluni atuarfiit aalajaatsut misilitsinnikkullu nikerarnerumik angusaqartartut peqataallutik. Naliliinerup inerneri aasaru nalunaarusiatut saqqummissapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER