Kalaallit aningaasaat taamaatiinnarneqarput

Naalakkersuisut kalaallit aningaasaanik pilersaarut taamaatiinnarpaat. Tamanna atugarisatigut pitsaanerulersitsinermik kinguneqarnavianngilaq, aningaasaqarnermut naalakkersuisoq Palle Christiansen oqarpoq.

Qallunaat aningaasaasa pigiinnarnissaanik isikkoqarpoq, immaqa Euromut nuunnissatta tungaanut. Assi: Polfoto/Jesper Stormly Hansen

Kalaallit Nunaat namminersaminik aningaasaqalernavianngilaq. Naalakkersuisut kalaallit aningaasaanik pilersaarut taamaatiinnarpaat, knr.gl allappoq.

- Inuiaqatigiinni namminerisamik aningaasalernissaminngaaniit annertunerusunik ajornartorsiuteqarpugut, aningaasaqarnermut naalakkersuisoq Palle Christiansen oqarpoq.

Naalakkersuisunut siulittaasuusimasup Hans Enoksenip Siumumeersup 2006-mi taamanikkut ministeriunermit Anders Fogh Rasmussenimit namminerisamik aningaasanik nunatsinniit assiliartalinnik naqitsinissamik neqeroorut akuersaarpaa.

Aningaasat nunatta avataani atorneqarsinnaassanngillat, taamaattorli qallunaat aningaasaattut naleqarlutik.

Pilersaarutilli unitsinneqarput, KNR radioaviisimut Palle Christiansern oqaluttuarpoq:

Nunatsinni namminerisamik aningaasaqalerneq qanoq kinguneqassanersoq aningaasaqarnermut naalakkersuisup Palle Christiansenip Inatsisartut upernaakkut ataatsimiilerpata nassuiartussaavaa.

Eqqumiitsuliortut marluk ukiuni sisamani tallimani kingullerni aningaasat assiliartassaannik titartaapput. Naja Abelsen Nationalbankilu aaqqiagiikkunnaarmata suliassaq Miki Jacobsenip nangippaa.

Powered by Labrador CMS