Glostrupimi arsaannermik takutitsineq

Qallunaat isiginnaartitsisartut tusaamasat, Albertslund-Glostrup Håndbold aamma nunatta nunanut allanut unammisartui arfininngormat kalaallit meerartaannut katersuiniarlutik Glostrup Hallenimi imminnut unammisaqattaarput.

Kalaallit nunanut allanut unammisartut takutitsilluni unamminermi AG Håndboldimut 26-24-mik ajorsarput. Ass.: Vivi Sørensen

Quiasaarisartup Jan Gintbergip Glostrup Hallenimi takutitsilluni unamminermi oqaluttaalluni kukkunerminut dommeri peqquserlulluni 500 koruuninik akilerpaa.

Unamminerit Peqatigiiffiup Kalaallit Meerartaata kalaallit meerartaannut katersuiniarluni suliniuteqarnerata ilagai.

Qallunaat isiginnaartitsisartut ilisimaneqartut soorlu Niels Olsenip, ilaatigut Ørkenens Sønner-imit ilisimaneqartup, aamma Mads Mikkelsenip bolchedrenget unammeqatigaat; taakkua tassaapput qallunaat nunanut allanut unammisartuusimasut soorlu Erik Veje Rasmussen aamma Per Skaarup, taakkualu unammivaat AG (Albertslund-Glostrup) Oldboys.

Kalaallit nunanut allanut unammisartut aamma AG Håndbold unammivaat, 26-24-imilli ajorsarlutik.

Inuit 900-t missaanniittut timersortarfiliarsimapput ajunngisaarniarluni aaqqissuussineq tapersersorniarlugu, taamaasillunilu aaqqissuussineq aningaasanik isertitsiffiulluarpoq.

Billetsit 20 koruuneqarput, tamatumali saniatigut ajunngitsunut atugassanik ussernartorpassuaqarpoq, ilaatigut slusch-ice pølsillu. Tunisinermi isertitat tamarmik kalaallit meerartaannut ingerlateqqinneqarput.

Læs mere i AG onsdag....

Powered by Labrador CMS