Aningaasanik katersinissaq akuerineqarpoq

Arfininngorpat ualikkut DR-imi Danmarkimi nuna tamakkerlugu katersuiniartoqalerpat nunatsinni tv-ikkut isiginnaartut sms-ersinnaassapput.

Taama tusarliussaqarpoq KNR-imi radioaviisi.

Piffissaq kingullerpaaq atorlugu DR-imi aaqqissuisut nunatsinni politimesterimit akuersissummik pissarsipput, taamaalillutik nunatsinni angallattakkanik oqarasuaatillit nunatsinnit tamarmit KNR-TV-kut nalunaaqutaq 15.00-miit toqqaannartumik aallakaatitsinerata nalaani sms-erlutik aningaasanik nassiussisinnaallutik.

Telemi pisortap Anders Barslundip uppernarsarpaa Afrikamut Haitimullu katersuiniarnermut oqarasuaatikkut nunatsinniit tapiisoqarsinnaalersoq.

150 kronemik tapiiniaraanni sms allallugu DI 1212-imut nassiunneqassaaq. Amerlanerusunik tunisiniaraanni sms-ikkut tamanna pisinnaanngilaq.

Taarsiullugu + 45 70 12 50 56-imut sianerrtoqarsinnaavoq, tassanilu paasissutissat tigoorarneqassapput. Taamaattumik sianertinnani dankorti piareersimasariaqarpoq, Anders Barslund oqarpoq.

Powered by Labrador CMS