Skip to main content

Meeqqat navianartorsiutut nutaamik isigalugit

Århusimi ataatsimeersuarnermi Kalaallit Nunaanni meeqqanut inuusuttuaqqanullu navianartorsiortunut tunngatillugu nunami pissutsit aallaavigalugit suliaqarnissaq isiginiarneqassaaq.

Ataatsimeersuarnissaq perorsaasunngorniat ilinniarfianni Peter Sabroemi Århusimiittumi ingerlanneqassaaq, sammisami ilisimasaqarluartut peqataaffigisaanni.

Ataatsimeersuarneq februaarip 2-ni ingerlanneqartussaq qulequtaqarpoq 'Working Lab Greenland'. Tassani Danmarkimi Kalaallillu Nunaanni perorsaanerup tungaatigut ilisimasat Kalaallit Nunaanni pissutsit aallaavigalugit kattunneqassapput, Klaus Rubin Peter Sabroemi Århusimiittumi perorsaanermi ilinniartitaanermi dramami isiginnaartitsinermilu lektoriusoq.

Ukiuni arlaqartuni Peter Sabroe Ilulissani perorsaasunngorniat ilinniarfianik suleqateqarsimavoq. Working Lab Greenland suliniutaavoq Kalaallit Nunaanni perorsaanermut tunngatillugu sulisunik piginnaanngorsaaqqinneq suliarineqartarpoq.

- Imaassinnaavoq isumaginninnermut tunngasunik ilisimasarpassuaqartugut. Danmarkimili inuiaqatigiinni pissutsit imaaliinnarlugit Kalaallit Nunaanni pissutsinut nuuinnarsinnaanngilagut. Aamma taamatut Danmarkimi ilisimasagut nuuinnarsinnaanngilagut, sumiiffimmili kulturi akuliuttariaqarlugu, Klaus Rubin oqarpoq.

Kalaallit Nunaanni perorsaanerup iluani sulisunik piginnaanngorsaaqqinneq ilinniartitsineq aqqutigalugu ingerlanneqarsimavoq, malussaatut, misigissuseq timilu aallaavigineqarlutik, oqaluttuarpoq.

Maannakkorpiaq Peter Sabroemit Nummi, Ilulissani, Sisimiuni Maniitsumilu sulisut arfineq marluk isumalluutaasussat ilinniartinneqarput.

- Taakku suliassaraat Kalaallit Nunaanni inuussutissarsiutigalugu isumaginninnermik suliaqatut innuttaasullu piumassuseqarlutik sulisut akornanni piumassuseqalernerulernissamik piginaanngorsaataassumillu ilinniartitsinernik aallartitsinissaq, Klaus Rubin oqaluttuarpoq.

Ataatsimeersuarnerup ingerlanerani inuit arfineq marluk isumalluutaasussat misilittakkaminnik saqqummiissapput.

Oqallinnermi peqataassapput:

Naaja Nathanielsen, Inatsisartuni ilaasortaq aningaasaqarnermullu ataatsimiitaliap siulittaasua

Else Christensen, ilisimatooq aamma tarnip nakorsaa cand. psyk.

Stina Bertelsen, ICYC-mi siulittaasoq isumaginnittunngorniartorlu

Sissel Lea Nielsen, antropolog. Danmarkimi peqatigiiffimmi Kalaallit meerartaanni suliamik aqutsisutut atorfeqartoq, MIPI-milu meeqqat inuunermikkut atugaannik misissuisimasoq.

Kuna Damgaard, ukiuni 35-ini nunatsini meeqqat atuarfiani ilinniartisisoq, maannakkullu Danmarkimi najugaqartoq. Danmarkimi nunatsinnilu meeraqarlunilu ernutaqartoq.

Astrid Grønvold Olsen, Ilulissani atuartunik oqaloqateqartartoq.

Ataatsimeersuarneq taamaattoq Ilulissani ingerlanneqassaaq marsip aappaani 2010.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER