Angallassisartunik kalaallinik pissarsiorput
GTE aamma Københavnimi Kalaallit Illuutaat ataatsimiisitsiniarput angallassisartunik kalaallinik pissarsiorlutik.
Angalasut amerliartuinnartut Kalaallit Nunaannut takornariarlutik angalasut misigisassat, kulturimik naapitsinermut nunatsinnilu innuttaasunik naapitsinissamut annerutunerujartortunik piumasaqarput. Arlalitsigulli angalatitsisut nunanit allaneersarput allamillu kultureqarlutik.
Taamaattumik angallassisinnaasunik nutaanik pissarsiornissaq pimoorunneqalerpoq. Tamanna pissaaq illumi Løvstrædemiittumik februaarip 11-ani.
Kalaallit Nunaanni Takornarnariaqarnermut Inuussutissarsiornermullu Siunnersuisoqatigiit GTE Danmarkimilu angalatitsiviit nunatsinnut angallassisartut suleqatigalugit Københavnimi Kalaallit Illuutaat unnussiuaartitsiniarpoq angallassisussaaleqineq pillugu oqallinnissamik paasissutissiinissamillu imaqartumik.
Aamma angalatitsiviit angallassisutut sulerusussinnaasunut neqerooruteqarniarput.