Skip to main content

Ilulissani erngup nukiliorfiliornissaq akuerineqarpoq

Ataasinngormat Namminersorlutik Oqartussat Nukissiorfiit naggataarutaasumik akueraat, Ilulissat avannannguani erngup nukiliorfiliornissamik entreprenørinik isumaqatigiissusiornissaannut.

Ilulissani innuttaasut aasaru ukiunilu aggersuni sanaartornikkut pisoqarfiungaatsiassapput.

Illoqarfiummi ungataani erngup nukiliorfiliortoqarnissaannik Nukissiorfiit Namminersorlutik Oqartussanit akuerineqaqqammerput. Erngup nukiliorfilorfissaq Paakitsumiissaaq, tassalu Qinnguata Avannarliup Paakitsullu Akuliarusersuata tasiata akornanni, Ilulissat 50 kilometerinik avannamut kangiani.

Nukissiorfiit naatsorsuutigaat februaarip naalernerani imaluunniit marsip aallartilaarnerani entreprenørinit Pihl og Sønimit isumataqatigiissusiornissartik. Suliassaq juunimi aallartissasoq naatsorsuutigineqarpoq.

- Erngup nukiliornissaq ilorraap tungaanut alloriarneruvoq, taamaalilluta inuiaqatigiit uuliamik isumalluuteqarnerat annikillisinnaavarput, nukissiornermut pisortaq Svend Hardenberg oqarpoq.

2013-imi suliaq naammassilluni nukimmik tunisassiulerpat, Nukissiorfiit nukimmik tunisasiornerata 70 %-iat nukik ataavartoq tunngavigalugu nukiliornerussaaq - 2006-imi tamanna 40 %-iuvoq.

Nukissiorfiit suliaq alla 2014-imi aallartittussaq piareersaleruttorpaat.

- Qeqertarsuup tunuani allamik nukiliorfiliornissamik periarfissat misissorpavut. Aningaasaliinerup akilersinnaanissaa ilisimasariaqaratsigu paasissutissat tunngavigisat nutartertariaqarput. Tamanna ukiorpaalunni ingerlanneqassaaq, Nukissiorfinni tugasassiisarnermut pisortaq Louise Johansen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER