Skip to main content

Nakorsaq: Nappaat kingusinaartumik paasineqartoq toqussutaasarpoq

Sooq kalaallit kræftimik nappaatillit qaammatikkaani misissortinnissaminnut katsorsarneqarnissaminnullu utaqqisassappat, taartaagallarluni nakorsaq Danmarkimeersoq aperivoq. Sermitsiaq atuaruk.

Nakorsaaneq Jan Tønnesen Ilulissat napparsimmavianni qaammatit pingajuata affaani nakorsaqarfimmi nakorsaanertut taartaasutut sulisimavoq, ataasinngormat Danmarkimut aallannginnermini. Piffissami sivikipajaartumi tamatumani nammineq oqarneratut misigisimavai kræftimik nappaartillit tallimat, kingusinaartumik nappaataat suussusersineqarsimasut.

Taakkunannga pingasut maanna toqusimapput.

Immaqa annaanneqarsimasinnaagaluarput nappaataat siusinnerusukkut paasineqarsimasuuppat.

Tamanna pissutigalugu Jan Tønnesenip kalaallit utaqqinermut qularnaveeqqutaat qallunaatut ittoq ujartorpaa.

– Kalaallit ataasiakkaat pisinnaatitaaffigisariaqaraluarpaat piffissap naammaginartup iluani paasissallugu: »Sumik-una ajoquteqartunga?« aamma »katsorsarneqarsinnaavunga?«, Jan Tønnesen isumaqarpoq, taannalu puannut nakorsaatinik immikkut ilisimasaqarpoq.

Utaqqisoqarnera ilumuunnginnerarpaa

Kalaallit Nunaanni kræftimik nappaatillit sivisuumik utaqqisariaqarnerannik Jan Tønnesenip oqarnera Peqqissutsimut Naalakkersuisoqarfimmi ilisarineqanngilaq.

– Paasissutissinneqarnermut malillugu kræftertunik utaqqisoqanngilaq, nakorsaqarnermut siunnersorti Birgit Niclasen oqarpoq.

Naalakkersuisut ukiaq aamma taamatut akissuteqarput, kræftimik nappaatillit paasineqarnerisa kingorna katsorsarneqalernissaannut sivisunerpaamik utaqqiffeqarnissap eqqunneqarnissaanik Siumup siunnersuutaa Inatsisartuni oqaluuserineqarmat.

Sermitsiaq nr. 5 atuaruk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER