Skip to main content

Afrikamut Haitimullu 130 mio. kr. sinnerlugit

Danmarkimi katersuiniarnersuarmi 130 millioner koruunit sinnerlugit katersuineq rekordiliingaatsiarneruvoq.

DR 1-imi aliikkusersuineq akunnernik sisamanik sivisussusilik, KNR-ikkut toqqaannartumik aallakaatinneqartoq, Danmarkimi nalunaaqutaq malillugu unnua-qeqqata qaangilaaraa naammat aningaasat 130.612.113 koruunit katersorneqarsimapput, dr.dk. allappoq.

Katersuiniarnerup ukiuni sisamani ingerlanneqartarsimanerani tamanna rekordiliineruvoq. Siorna 78 millioner koruunit missarpiaat katersorneqarput.

Aningaasat Afrikami arnanut ikiuutissaasimagaluarput, Haitimili nunap sajunneratigut ajunaarnersuaq pissutigalugu aalajangiunneqarpoq aningaasat Afrikami arnat Latinamerikamilu nunap piitsup akornanni avinneqassasut.

Kalaallit Nunaanni tv-kut isiginnaartut Danmarkimi isiginnaartut assigalugit telefonikkut aningaasanik tunisisinnaapput.

Suliniaqatigiiffiit katersuiniarnermik aaqqissuussisut tassaapput SOS-Børnebyerne, Dansk Røde Kors, Børnefonden, Red Barnet, Unicef, Læger Uden Grænser, ADRA Danmark, Mellemfolkeligt Samvirke, Care Danmark, Ibis, Folkekirkens Nødhjælp aamma Dansk Flygtningehjælp.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER