Skip to main content

Aatsaanngooq taama appakillisimatigaaq

Ukiut 50-it kingulliit ingerlanerini Kalaallit Nunaanni aatsaat taama appaasatsigilersimavoq. Amerliartornissaalli ilisimatuut neriuutigaat.

Nunatsinni appaasattorujussuanngorsimavoq, knr.gl allappoq.

Appani Qeqertarsuup kangiani avannaaniittumi appat ukiut 50-it kingulliit ingerlanerini 90 procentinik ikileriarsimapput.

Danmarks Miljøundersøgelsip nalunaarusiaani kingullermi taamatut allassimavoq. Ilisimatuut piffissami 2005-2007-mi appanik kisitsarsimapput. Timmissanillu nalunaaqutalinnik nassaarineqarsimasunik misissuisarsimallutillu aallakaatitsissutit qaammataasakkoortut atorlugit appat malittarisarsimallugit.

Ilisimatuut oqaatigaat, Kalaallit Nunaanni appat upernaakkut aasamilu piniarneqartarnertik nungukkiartuutigigaat. Taamatulli piniarneqartarnerat massakkut inerteqqutaalernikuummat, ilisimatuut appat amerliartoqqilissangatippaat. Piniarnermik nakkutilliisartut appaqarfinnik nakkutilliisarlutillu aasaanerani appanniartoqarnaveersaartitsisarnerat ilaqutaassanerarpaat..

Appat piniarneqartarnermikku, uuliamik ujaasisoqarneratigut allatigullu akorngusersuisarnikkut nungunnginnissaat qularnaarniarlugu nalunaarusiortoqarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER