Skip to main content

Politikeri: Sapiitsuliortut puigorneqarput

Politikeri Siumumut ilaasortaq Mortgen Siegstad, sermitsiaq.gl-imi allagaqartartoq, neriuppoq inuiaqatigiit sapiitsuliortut marluk Sisimiut avataani imarloqisumik inunnik arfineq-marlunnik annaassisimanerat.

Qeqata Kommuniani kommunalbestyrelsimi ilaasortap oqariartuutini tusarliuppaa, kilisaatip raajarniutip naalagaa qallunaaq Ukioq Manna Sapiitsuliorsimasutut akissarsiassamut inassutigineqareersorlu. Umiarsuup naalagaa inassutigineqarpoq Kalaallit Nunaata aamma Canadap akornanni timmisartortartut marluk 2008-mi puttaarsuarmiittut annaassimagamigit.

Morten Siegstadip tamatumunnga atatillugu 2002-mi ukiakkut annaassiniarneq, Sisimiut avataani imaani ingerlanneqartoq, eqqaasitsisutigaa.

Politikeri malillugu kilisaammi M/tr. Imartunermi aquttup Hans Lennertip aamma inuttaasup Knud Olsenip silallutsillugu inuit tallimat aannaappaat taakku angalataat ikkarlummut sequminneqareernerata kingorna, tamatumalu kingorna inuttat taakku marluk politiit marluk gummibådimiittut annaallugit, gummibådip inunnik tallimanik annaassiniarnermi atorneqartup motooria aserortoorsimammat.

- Aalisartut taakku marluk inunnik arfineq-marlunnik ajunaalersunik annaassipput. Kisianni ulloq manna tikillugu taakku sapiitsuliorsimanerat nersorinnissutaasimanngilaq. Uanga taamatut sapiitsuliorsimanerat pillugu nersorneqarnissaannik ujartuisarsimagaluarpunga. Politiinut aamma allanut apeqquteqartarsimavunga, kisianni susoqanngisaannarpoq. Uanga isumaqarpunga pissusissamisuussasoq inuit taakku nersorniarneqarsinnaapata, Morten Siegstad blogimini allappoq.

Annaassiniarneq pillugu blogimi allaaserisaaq tamakkerlugu atuaruk uani.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER