Kalaallit Nunaat isiginnaajutigalugu nerisassaataalu mamarsaatigalugit
Silap pissusaata allanngornerata kingunera Isak Kleistip filmiliaani "Kuussuit Qerisut Sinaanni"-mi sammineqarpoq. Taanna Assensimi takutinneqassaaq.
Annonce
Isak Kleistip filmiliaa Kuussuit Qerisut Sinaanni Assensip filmertarfiani takutinneqassaaq.
Taamatut allaaserisaqarpoq fyens.dk.
Takutinneqassaaq januarip ulluisa aqqarnganni nal. 18.30, peqatigiiffik Foreningen Norden kiisalu Café Lina nerisassat raajat, qaleralik aamma neqimik pujuukkamik filmip aallartinnginnerani sassaalliissallutik.
Filmimi 2008-meersumi Qeqertarsuup Tunuani inuuneq kulturilu sammineqarput.
Isak Kleist tusagassiortuuvoq namminersortoq, assiliisoq aamma filmiliortartoq. Aaqqissuussineq aallartissaaq nal. 18.30, peqataanissamullu kingusinnerpaamik januarip ulluisa sisamaanna nalunaartoqarsinnaavoq, taamatut ilisimatitsivoq Foreningen Norden.