Timmisartuussinerit taamaatinneqartut
Ullumi marlunngornermi silarlunnera pissutigalugu Air Greenlandip timmisartui nunamiiginnartariaqarput.
Nunatta Kitaani anorersuarnera anoraasuarujussuartarneralu pissutigalugu aamma silasiortut ullup sinnerani silarlunnissaanik aarlerisaarinerat pissutigalugu, Air Greenlandip Nuummiit allartussat tikittussallu tamaasa aammattaaq Nunatta Danmarkillu akornanni timmisartuussinissat ullumi marlunngornermi decembarip 29-ani taamaatiinnartariaqarpai.
Tamatumunnga ilutigitillugu timmisartuutileqatigiit Airbus 330-200-at "Norsaq" ullaaq Københavnipå mittarfiani sermiiarneqartilluni ajoquserneqarpoq, maannakkorpiarlu kingorartissamik utaqqisoqarpoq neriuutigineqarluni aqagu piareerneqarnissaa.
Soorunami Air Greenlandip immikkut timmisartuussinissat aamma ilaasussat ippassamiit aamma ullumimiit aqagumut aallartussanut allanut nussorlugit ulapputeqarsuataarpoq, ullumilu nalunaaqutaq 16.00 nittartagaq www.airgreenland.gl aqqutigalugu ilaasussanut eqqornerusumik paasissutissiinissaq.