Grønlands Rejsebureaup Air Greenland Travel tiguaa
Air Greenland Travel Nuummiittoq, Sisimiuniittoq Ilulissaniittorlu 1. januar 2010-mi Grønlands Rejsebrureaumeeqqilerput.
Grønlands Rejsebruerau 2010-imi ukiunik 25-ngortorsiorpoq, Grønlands Resebureau-llu Air Greenland Travelip Nuummi, Sisimiuni Ilulissanilu allaffii tiguai.
Grønlands Rejsebureau 2010-mi ukiunik 25-ngortorsiorpoq, massakkullu angalatitsinermut allaffiit taakku sisamamat, Grønlands Rejsebureau/Nunatta Angalatitsivia/Greenland Travelimik taaguteqarlutik ataatsimooqqilerput.
Grønlands Rejsebureau Københavnimi qullersaqarfeqarpoq, tassalu allaffissornermi qullersaq Helle Bach tuniniaanermilu pisortaq Peter Bastrup sulisullu 35-t ingerlatsisuupput.
– Kalaallit Nunaanni suleqatigilluakkagullu ataatsimooqqilernerput pingaauteqarpoq. Soorlu tassa ilaquttat maqaasisimasat ilageqqilerlugit, Helle Bach oqarpoq.
Grønlands Rejsebureaup aamma siunertaraa, Grønlands Rejsebureaup pisiffigisartakkaminut isumaqatigiissutai pitsaasut Kalaallit Nunaanni sullinneqartartut aamma iluaqutigisassagaat.
– Immikkoortoqarfipput Nordic Adeventure atorlugu qallunaanik angalatitsisulerlutik Europap kujataanut angalasarsinnaalernissartik Kalaallit Nunaanni sullinneqartartorpassuit aamma soqutigilluassavaat, Helle Bech oqarpoq.
Tigusinerli sullinneqartartut ilarpassuinut iluamik sunniuteqassanngilaq, Kaalallit Nunaanni inuppassuit suli taaguut Grønlands Rejsebureau ulluinnarni atormassuk.
– Angalatitsivimmik ingerlatsissagaanni timmisartuutileqatigiiffinnik suleqateqarluarnissaq pingaartuusarpoq, taamaattumik Air Greenlandip ingerlataasa ilaata taassumap iperarnissaa uagut silatusaarnertut isigaarput, Air Greenlandimi CCO (Chief Commerical Operations) Udo Glashoff oqarpoq.