Skip to main content

Isumaginninnermi ikiuutit aamma aalisartunut piniarnullu atuupput

Aalisartut piniartullu allat assigalugit pisortanit ikiorsiissutinik qinnuteqarsinnaannginnerannik isumaqarneq naalakkersuisut atorunnaarsinniarpaat.

Isertitaqarneq ajoraanni Kalaallit Nunaanni innuttaasut tamarmik - aamma aalisartut piniartullu - pisortanit ikiorsiissutinik qinnuteqarsinnaanerannik kommunit eqqaasinneqarnissaat pisariaqarsimagunarpoq.

Naalakkersuisut paasisimavaat pisortat ikiorsiissutaannik qinnuteqartut kiassarnerat imeqarnerallu matuneqartarsimasut, qinnuteqartut oqarfigineqartarsimallutik ikiorsiissutinik pisinnaanngitsut, pissutigalugu qinnuteqartoq piniartuummat aamma/imaluunniit aalisartuummat.

Tamanna pissutigalugu naalakkersuisut arfininngormat tusagassiorfinnut nalunaarput tassuuna aalajangersarlugu aalisartut piniartullu, innuttaasut allat assigalugit pisortat ikiorsiissutaannik qinnuteqarsinnaasut. Taamaasiornermikkullu piniartutut inuussutissarsiortutut allagartartik annaanagu.

– Pisortanit ikiorsiissutit pillugit inatsit malillugu piniartutut inuussutissarsiornermik allagartamik arsaarinnittoqarsinnaanngilaq. Allagartarli tunniunneqartarpoq inatsit alla malillugu, taamaattumillu misissortariaqassavarput qanoq ingerlanneqarnersoq, isumaginninnermut naalakkersuisoqarfimmi allaffimmi pisortaagallartoq, seniorkonsulent Kirsten Olesen oqarpoq.

Taassuma eqqaasitsissutigaa pisortanit ikiorsiissutinik qinnuteqaatit kommunimi sulianik suliaqartartunit ataasiakkaarlugfit suliarineqartassasut, pissutigalugu imminut pilersortut isertitaat allanngorartorujussuusarmata.

– Piffiup ilaani isertitaqarluartarsimaguit piffinnut ajortunut immikkoortitsisinnaassaatit. Soorunami ikiorneqarnissamut periarfissaqassaaq, suliassalli tamakkua naammaginartumik suliarineqartassapput, Kirsten Olesen oqarpoq, taallugulu ukiuunerani ajornartorsiut uteqattaartuartartoq tassaasoq imminut pilersortut, soorlu aalisartut piniartullu, isertitakillisarnerat ilaquttamillu pilersuisinnaajunnaarlutik.

Immikkoortoqarfimmi pisortap oqaatigaa taamanikkut ilaqutariinnut pisortaqarfik 2008-mi januaarimi tassunga assingusumik kommuninut nalunaaruteqarsimasut, tassa imminut pilersortut pisortat ikiorsiissutaannik qinnuteqarsinnaasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER