Skip to main content

Nunavummi nannunik nalunaarsuiffiliorput

Nunavumi piniartut nannumik takusaqarunik sianerlutik nalunaarsinnaanngorput.

Suliniaqatigiiffik Nunavut Tunngavik, immikkut ittumik oqaruaammik pilersitsivoq, Nunavummi tamarmi piniartut akeqanngitsumik sianersinnaaffiannik, nannut pillugit oqaluttuatik isummatillu siarngutigisinnaanngorlugit, knr.gl allappoq.

Suliniut tamanna pilersinneqarpoq nunat allat ingammillu USA nannunik piniarnermik nioqquteqarnermillu akerliunerat illuatungilerniarlugu. Amerikamiut naapertorlugit nannut nungutaanissaminnut ulorianartorsiorput. Tamanna Nunavumi inuiannit inunnit illuatungilerniarneqarpoq.

Oqarasuaammut sianerfigineqarsinnaasumut aqutsisoq Paul Irngaut naapertorlugu, pingaartuuvoq ilisimasaqarfimmik pilersitsinissaq, tassani piniartut nunap inoqqaavi piniartullu nutaat ilisimasaat katersorneqarluni, taamaalilluni USA-mi ilisimatuunut uppernarsarneqarsinnaalissalluni nannut nungutaanissaminnut navianartorsiunngitsut.

Uppernarsiniarpaat nannut uumasuunngitsut nungutaanissaminnut navianartorsiortut. Taamaattorli nalinginnaasumik piniarneq kisimi unitseqquneqanngilaq.

Aamma ukiumut isertittakkat 15 mio. koruunit attatiinnarniarneqarpoq. Taakku kujataanit akiliillutik piniarianit nannumik pisaqarniartunik isertinneqartarput, tamannami Canadami suli inerteqqutaanngilaq.

Canadami nannut 22.000-it 25.000-illu akornanniipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER