Skip to main content

Aatsitassanut pisortaq: Ukiut tallimat qaangiuppataanngitsoq.

Naak uuliasiorneq aallartingajalereeraluartoq ukiunit tallimanit sivisunerusoq qaangiuppata ataatsimoortumik tapiissutit qanganngussapput, Jørn Skov Nielsenip erseqqissarpaa.

Kalaallit Nunaanni ulkiut tallimat ingerlanerini uuliasiulernissamik oqarneq tassaavoq isumalluarnerpaaffiusumik isiginninneq.

Uuliasiornerup aallartissinnaaneranut piffissaq sivisunerujussuaq atorneqassaaq, Namminersorlutik Oqartussani aatsitassanut pisortaq Jørn Skov Nielsen oqarpoq, sermtisiaq.ag-mi Politiken Søndagimi tigulaaraluni allaaserisamut qisuariarluni.

Pisortaq oqarpoq ataatsimoortumik tapiissutit pillugit oqaaseqarsimanngisaannarluni, isumaqarporlu allaaserisami qulequtaritinneqartoq tunngavissaqanngittoq.

ALLAASERISAQ ATUARUK: Aningaasaliissutit immaqa ukiut tallimat qaangiuppata piissapput

Politiken Søndagimiit allaaserisaq quleqataqarpoq 'Ataatsimoortumik tapiissutit immaqa ukiut tallimat qaangiuppata qanganngussapput'. Allaaserisami ima allassimavoq:

'Ukiut tulliuttut tallimat ingerlanerini Kalaallit Nunaanni aatsitassarsiorneq uuliasiornerlu ima annertugilersinnaavoq Danmarkimiit tamakkiisumik tapiissutit peerneqavillutik'.

Takorluugaq imaattoq Namminersorlutik Oqartussani aatsitassanut pisortap Jørn Skov Nielsenip saqqummiuppaa:

»Aasap ukiallu ingerlanerani qillerinerit marlunniit sisamanut ingerlanneqassapput naalakkersuinikkut akuerineqarunik. Suliffeqarfillu arlaanik nassaarunik ukiut tallimat qaangiuppata nunatsinni uuliasiorneq aallartissaaq.« Aatsitassanut pisortap naatsorsuutaasa takutippaat, ullumikkut uuliap akia naapertorlugu nassaarneq Namminersorlutik Oqartussanut ukiumut 10 milliarder koruuninik isertitsiffiusinnaassasoq.

Jørn Skov Nielsen oqarpoq, taamaattoqarsinnaasoq suut tamarmik pitsaanerpaaffissaminniippata, nangillunilu:

- Tassungalu tunngatillugu oqartoqarsinnaanngilaq piffissap taamaalinerani akileraarutitigut aatsitassarsiortullu akiliuttaasigut taama annertutigisunik isertitaqassasugut. Piffissaq sivisunerusoq aatsaat qaangiuppat ulliasiulernermiit akileraarutitigut aatsitassarsiortullu akiliutaasigut isertitsisinnaalissaagut. Tamanna peqquteqarpoq aallarniutaasumik aningaasaleerujussuaqqaarnissaq, immaqa 40 milliarder koruuninit amerlanerusunik , taakkumi nalikillineqartussaapput akileraarutitigut aatsitassarsiortullu akiliutaasigut isertitassat iluamik takkutsinnagit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER