Skip to main content

Brugsenimi ilaasortanut 7 millionit

Arfininngorpat ullaakkut Kalaallit Nunaanni Brugseni ukiumoortumik agguagarsisitsissaaq. Ukioq manna agguagarsiassat 7 millioner koruuniupput.

Brugsenimi ilaasortat 32.000-t arfininngorpat ullaakkut nalunaaqutaq arfineq-marlunniit illoqarfinni arfineq-marlunni pisiniarfeqarfiusuni agguagarsiassat tigusinnaavaat.

Kalaallit Nunaanni Brugsenimi ilaasortanut agguagarsiissutissat 7.039.000 koruunit siornamut sanillullugu amerlanerupput. Siorna ilaasortanut tunniunneqartut 6,8 millioner koruunit missarpiaanniipput.

Agguagarsiat, 2000-mi eqqunneqartut, ukiut ingerlaneranni kaaviiaartitat amerliartornerat ilutigalugu sisamariaatingajammik amerlisimapput.

– Kalaallit Nunaanni Brugsenimi kaaviiaartitat ukiut tamaasa amerliartorput, aamma ukiumi qaangiuteqqammersumi, KNB-p pisortaanera Olav Thomsen nalunaarummini allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER