Skip to main content

"Robin Hood" Nanortalimmeersoq akunnerit 100-t inuiaqatigiinnik sullississaaq

"Robin Hood"-imik pisimasumi nunatta eqqartuussiviata pineqaatissiinerani tunngaviit Kalaallit Nunaata Eqqartuussiviata tusagassiorfinnut nalunaarutikkut saqqummiuteqqammerpai

Kalaallit Nunaata Eqqartuussiviata ullumi nalunaaqutaq 15.00 Angut Kleist, tusagassiorfinni "Robin Hood"-imik Nanortalimmeersumik taagorneqartoq, akunnerni 100-ni inuiaqatigiinnik sullissisussatut pineqaatissippaa kiisalu ukiuni marlunni pinerluuteqarsimasunik isumaginniffimmit nakkutigisassanngortillugu. Pineqaatissinneqartoq nakkutigineqarnermi nalaani imerajuttuunermut tarnikkullu katsorsarneqassaaq, tusagassiorfinnut nalunaarummi allassimavoq.

PIneqaatissiinermut pissutaavoq nassaanik 700.000 koruuninik unioqqutitsilluni atuineq aammalu nassaanik 635.370,02 koruuninik unioqqutitsilluni atueriaraluarneq.

Pineqaatissinneqartoq 421.500 koruuninik arsaarinniffigineqarpoq, tassa pinerlunneq paasineqarmat atorneqareersimasut annertoqataannk.

Pineqaatissinneqartoq nammineq isumaqarpoq ajortuliorniarluni aningaasat atorsimanagit. Nammineq oqarneratut isumaqarsimavboq aningaasat Tysklandimi NKL-mi lotteri-mi eqqorsimallugit. Pineqaatissinneqartoq nammineq oqaluttuarmat lotterimi 2004-miilli peqataasimanani eqqartuussivik isumaqanngilaq ajortuliorniarani iliorsimanngitsoq.

Pineqaatissinneqartoq 2008-mi apriilimi BRF-bankimit kontumut takussutissamik pivoq, tassani illassimalluni 1.355.370,02 koruunit kontuaniittut, nammineq ilisimanngisai. Kingorna taakkunannga katillugit 700.000 koruunit pingasoriarluni aningaaserivimmit nuussinikkut nammineq kontuminut nuutsippai.

Kontu pineqaatissinneqartup pigisimanngilaa. Kontumik piginnittutut nalunaarsorneqarsimavoq kukkuneq pissutigalugu.BRF-banki kukkusumik toortaasimavoq, Cpr-inillu nalunaarsuiffiup aningaaserivik paasitippaa inuup normua kukkusoq. Kukkunikkut Cpr-inik nalunaarsuiffiup kingorna pineqaatissinneqarput inuttut normua paasissutissiissutigaa.

BRF-bankimit kontumut takussutissami ilaatigut immikkoortoq "tømrerarb+spær" allassimavoq. Pineqaatissinneqartoq nassuiaavoq tassani illu pineqartoq, aamma isumaqarfigisani eqqorsimallugu, aningaasanik eqquigami. Eqqartuussivik malillugu nassuiaat tamanna tunngavissaqanngilluinnarpoq, pineqaatissinneqartoq tunngavissaqanngimmat isumaqassalluni illumik eqquisimalluni.

Nanortallip Eqqartuussiviani Angut Kleist nassaanik unioqqutitsilluni atuisimasutut pinngitsuutinneqarpoq, tunuliaqutaralugu siusissukkut atuarfimmit anisimammat aningaasallu nuunnissaannut illoqarfimmi aningaaserivimmit ikiortariaqarsimammat. Taamaattumik kredsretti isumaqarpoq unioqqutitsiniarnani iliuuseqarsimasoq. Nunatta Eqqartuussiviata taamaattoqanngissoraa, siuliani taakkartorneqartut tunuliaqutaralugit, tusagassiorfinnut nalunnaarummi allassimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER